گیلانی کی انٹراکورٹ اپیل کی سماعت یکم جون تک ملتوی

اسلام آباد ہائی کورٹ نے سینیٹ الیکشن میں ووٹ مسترد کرنے کے خلاف سابق وزیرِ اعظم اور پاکستان پیپلز پارٹی کے رہنما یوسف رضا گیلانی کی انٹراکورٹ اپیل کی سماعت یکم جون تک ملتوی کر دی۔

اسلام آباد ہائی کورٹ کے جسٹس عامر فاروق اور جسٹس طارق محمود جہانگیری نے کیس کی سماعت کی۔

گیلانی کی انٹرا کورٹ اپیل، چیئرمین سینیٹ و دیگر کو نوٹس جاری

اسلام آباد ہائی کورٹ نے سابق وزیرِ اعظم اور سینیٹ میں اپوزیشن لیڈر یوسف رضا گیلانی کی چیئرمین سینیٹ کے الیکشن کے خلاف انٹرا کورٹ اپیل کی سماعت کرتے ہوئے چیئرمین سینیٹ، وفاق اور سیکریٹری سینیٹ کو نوٹس جاری کر دیئے۔

چیئرمین سینیٹ صادق سنجرانی کے وکیل علی ظفر جبکہ یوسف رضا گیلانی کی جانب سے فاروق ایچ نائیک عدالت میں پیش ہوئے۔

فاروق ایچ نائیک نے کہا کہ سنگل بینچ نے چیئرمین سینیٹ الیکشن کے خلاف درخواست مسترد کی، سنگل بینچ نے قرار دیا کہ سینیٹ الیکشن پارلیمان کی اندرونی کارروائی ہے، سنگل بینچ نے فیصلہ دیا کہ متبادل فورم موجود ہے لیکن یہ نہیں لکھا کہ وہ متبادل فورم کون سا ہے؟ یوسف رضا گیلانی چیئرمین سینیٹ کے الیکشن میں امیدوار تھے، سیکریٹری سینیٹ نے کہا کہ خانے کے اندر امیدوار کے نام پر لگی مہر بھی درست تصور ہو گی۔

جسٹس عامر فاروق نے کہا کہ سیکریٹری سینیٹ اور آپ کے درمیان جو گفتگو ہوئی اس کی تصدیق تو نہیں ہو سکتی۔

گیلانی کی چیئرمین سینیٹ کے الیکشن کیخلاف انٹرا کورٹ اپیل دائر

سابق وزیرِ اعظم، پاکستان پیپلز پارٹی کے رہنما اور سینیٹ میں اپوزیشن لیڈر یوسف رضا گیلانی نے چیئرمین سینیٹ کے الیکشن کے خلاف اسلام آباد ہائی کورٹ میں انٹراکورٹ اپیل دائر کر دی۔

فاروق ایچ نائیک نے کہا کہ الیکشن میں 7 ووٹ خانے کے اندر امیدوار کے نام پر مہر لگانے سے مسترد ہوئے، پریذائیڈنگ افسر کو صدرِ پاکستان نے الیکشن کرانے کیلئے نامزد کیا تھا۔

عدالتِ عالیہ نے یوسف رضا گیلانی کی انٹراکورٹ اپیل پر سماعت یکم جون تک ملتوی کر دی۔