• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دادو: طوفانی ہواؤں سے چھت گر گئی، 3 بچے جاں بحق

تازہ ترین
قومی خبریں
06 جون ، 2021
دادو: طوفانی ہواؤں سے چھت گر گئی، 3 بچے جاں بحق

گزشتہ شب چلنے والی آندھی اور طوفانی ہواؤں سے سندھ کے شہر دادو میں میہڑ بائی پاس کے قریب واقع گھر کی چھت کا بیرونی حصہ گر گیا جس کے ملبے تلے دب کر 3 بچے جاں بحق ہو گئے۔

کراچی میں آج بھی بوندا باندی کا امکان

کراچی کے مختلف علاقوں میں گزشتہ رات بوندا باندی ہوئی ہے، محکمہ موسمیات کے مطابق شہرِ قائد میں آج بھی بوندا باندی کا امکان ہے۔

سندھ کے مختلف اضلاع میں رات گئے چلنے والی آندھی اور طوفانی ہواؤں سے متعدد درخت اور بجلی کے پول گر گئے۔

کئی علاقوں میں مٹی کے طوفان اور بارش کے بعد بجلی اور مواصلاتی نظام کی بحالی کا کام جاری ہے۔

سندھ کے کئی علاقوں میں تیز آندھی، موسلادھار بارش

گھوٹکی، لاڑکانہ، نوشہرو فیروز اور کندھ کوٹ سمیت سندھ کے کئی علاقوں میں تیز آندھی اور موسلادھار بارش ہوئی ہے۔

گزشتہ رات چلنے والی آندھی اور طوفانی ہواؤں کی وجہ سے کئی مقامات پر درخت اور بجلی کے پول گر گئے تھے جس کی وجہ سے ان علاقوں میں بجلی معطل ہو گئی تھی۔

سیپکو ذرائع کے مطابق نوشہرو فیروز میں بجلی کی بحالی میں 10 گھنٹے سے زائد کا وقت لگ سکتا ہے۔

تازہ ترین