شہزادہ ہیری نے بیٹی کا نام ’لیلیبیٹ ڈیانا‘ کیوں رکھا؟

شہزادہ ہیری اور میگھن مارکل نے اپنی بیٹی کے نام ’لیلیبیٹ ڈیانا‘ رکھنے کی وجہ اور اس نام کا مطلب بتا دیا ہے۔

ڈیوک اور ڈچز آف سسیکس نے اپنی بیٹی کا نام  ’لیلی‘ ملکہ الزبتھ دوم اور آنجہانی والدہ شہزادی ڈیانا سے بے پناہ محبت کی وجہ سے رکھا ہے۔

اپنے ایک بیان میں شاہی جوڑے نے بتایا کہ ’ان کی دادی یعنی ملکہ برطانیہ کو شاہی خاندان میں پیار سے لیلی کہہ کر پکارا جاتا ہے اس لیے انہوں نے اپنی دادی کے نام پر اپنی بیٹی کا نام رکھا ہے۔‘

ملکہ برطانیہ کی ہیری اور میگھن کو بیٹی کی پیدائش پر مبارکباد

ملکہ الزبتھ دوم نے شہزادہ ہیری اور میگھن مارکل کو ان کے ہاں بیٹی لیلیبیٹ ڈیانا کی پیدائش ہونے پر مبارکباد پیش کی ہے۔

شاہی جوڑے نے بیٹی کا درمیانی نام ڈیانا رکھنے کی وجہ بتاتے ہوئے کہا کہ ’یہ انتخاب ہم نے اپنی بیٹی کی پیاری آنجہانی دادی پرنسز آف ویلز ڈیانا کو خراجِ تحسین پیش کرنے کے لیے کیا ہے۔‘

لیلیبیٹ جو ملکہ کا عرفی نام ہے، اس کا مطلب ہے ’خدا کا وعدہ۔‘

ولیم اور کیٹ بھی بھتیجی کی پیدائش پر خوش

ڈیوک اینڈ ڈچز آف کیمبرج شہزادہ ولیم اور کیٹ مڈلٹن نے شہزادہ ہیری اور میگھن مارکل کو بیٹی لیلیبیٹ ڈیانا ماؤنٹ بیٹن -ونڈسر کی پیدائش پر مبارکباد پیش کی ہے۔

اس خوشی کے موقع پر ملکہ برطانیہ نے بھی شہزادہ ہیری اور میگھن مارکل کو مبارکباد دی ہے جبکہ پرنس آف ویلز شہزادہ چارلس اور ڈچزآف کارن وال بھی اس خبر سے خوش ہیں۔

واضح رہے کہ برطانوی شاہی خاندان کے رکن شہزادہ ہیری اور ان کی اہلیہ میگھن مارکل کے ہاں بیٹی کی پیدائش ہوئی ہے۔

شہزادہ ہیری اور میگھن کے ہاں بیٹی کی پیدائش

برطانوی شاہی خاندان کے رکن شہزادہ ہیری اور اور انکی اہلیہ میگھن مرکل کے ہاں بیٹی کی پیدائش ہوئی ہے۔ لندن سے موصولہ اطلاع کے مطابق ڈیوک اینڈ ڈچز آف سسیکس نے بیٹی کا نام لیلیبیٹ ڈیانا ماؤنٹبیٹن۔ونڈسر رکھا ہے۔

خیال رہے کہ شہزادہ ہیری اور میگھن مارکل کی بیٹی لیلیبیٹ ڈیانا ماؤنٹبیٹن۔ونڈسر کی پیدائش جمعہ کو سانتا باربرا کاٹیج اسپتال کیلی فورنیا میں ہوئی، اس موقع پر پرنس ہیری اسپتال میں موجود تھے۔