پاکستان میں کورونا مزید 76 زندگیاں لے گیا

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 1 ہزار 303 کیسز سامنے آئے ہیں، مزید 76 افراد اس موذی وباء کے سامنے زندگی کی بازی ہار گئے، مزید 1 ہزار 978 مریض شفایاب ہو گئے، جبکہ مثبت کیسز آنے کی شرح 3اعشاریہ 1 فیصد رہی۔

سماجی فاصلے، ماسک کو نظر انداز کرنے اور ایس او پیز کی خلاف ورزیوں سے پاکستان میں کورونا وائرس کے کیسز میں گزشتہ روز کی نسبت اضافہ ریکارڈ کیا گیا ہے۔

کورونا وائرس کی جاری تیسری لہر کے دوران پاکستان کورونا مریضوں کی تعداد کے حوالے سے مرتب کی گئی فہرست میں 29 ویں نمبر پر ہے۔

فیصل سلطان نے پاکستان کو موصول ویکسین سے متعلق تفصیلات جاری کردیں

ان کا کہنا تھا کہ پاکستان میں 67 لاکھ 20 ہزار سائنو فارم ویکسین کی خوراکیں موصول ہوئیں، جبکہ 50 لاکھ کین سائنو ویکسین کی خوراکیں آئیں۔

ملک بھر میں کورونا وائرس سے انتقال کرنے والوں کی مجموعی تعداد 21 ہزار 529 ہو گئی ہے، جبکہ کُل کورونا مریضوں کی تعداد 9 لاکھ 37 ہزار 434 ہو چکی ہے۔

ملک بھر میں اسپتالوں، قرنطینہ سینٹرز اور گھروں میں کورونا وائرس کے کُل 44 ہزار236 مریض زیرِ علاج ہیں، جن میں سے 2 ہزار 967مریضوں کی حالت تشویش ناک ہے، جبکہ کُل 8 لاکھ 71 ہزار 669 مریض اب تک اس بیماری سے شفایاب ہو چکے ہیں۔

24 گھنٹوں میں کورونا وائرس کے مزید 41ہزار 824 ٹیسٹ کیئے گئے، جبکہ اب تک کُل 1 کروڑ 37 لاکھ 54 ہزار 909 کورونا ٹیسٹ کیئے جا چکے ہیں۔

پاکستان بھر میں گزشتہ 24 گھنٹوں کے دوران 2 لاکھ 52 ہزار 964 افراد کو کورونا وائرس کی ویکسین دی گئی، جبکہ اب تک کُل 95 لاکھ 59 ہزار 910 کورونا ویکسین کی خوراکیں دی جا چکی ہیں۔

کورونا پابندیاں تقریباً ختم، ہفتے میں کاروبار ایک دن بند ہوگا، دفاتر میں سو فیصد حاضری کی اجازت، بین الصوبائی ٹرانسپورٹ پر پابندی بھی ہٹ گئی

اسلام آباد، کراچی (نیوزایجنسیاں، اسٹاف رپورٹر)...

تیسری لہر کے دوران پنجاب میں کورونا وائرس کے کیسز میں تیزی سے اضافہ جاری ہے، جہاں کورونا مریضوں کی تعداد دیگر صوبوں سے زیادہ ہو کر 3 لاکھ 43 ہزار 252 ہو گئی، جبکہ یہاں کُل ہلاکتیں بھی دیگر صوبوں سے زیادہ ہیں جو 10 ہزار 436 ہو چکی ہیں۔

سندھ میں کورونا وائرس کے مریضوں کی تعداد 3 لاکھ 25 ہزار 738 ہو چکی ہے، جبکہ اس سے کُل اموات 5 ہزار 183ہو گئیں۔

خیبر پختون خوا میں کورونا وائرس کے مریضوں کی تعداد 1 لاکھ 35ہزار 162 ہو چکی ہے، جبکہ اس سے یہاں اب تک کُل اموات 4 ہزار 185ہو گئیں۔

وفاقی دارالحکومت اسلام آباد میں 81 ہزار 933کورونا وائرس سے متاثرہ مریض اب تک سامنے آئے ہیں، جبکہ اب تک یہاں کُل 768 افراد اس وباء سے جان کی بازی ہار چکے ہیں۔

کورونا وائرس کے بلوچستان میں 26 ہزار 52مریض اب تک رپورٹ ہوئے ہیں جہاں 291 افراد اس مرض سے انتقال کر چکے ہیں۔

آزاد جموں و کشمیر میں کورونا وائرس کے اب تک 19 ہزار 623مریض رپورٹ ہوئے ہیں، جبکہ اس کے باعث اب تک یہاں کُل 559 مریض وفات پا چکے ہیں۔

گِلگت بلتستان میں 5 ہزار 674کورونا وائرس کے مریض سامنے آئے ہیں جبکہ اس سے اب تک 107 افراد جاں بحق ہوئے ہیں۔