اسپیکر کی زیرصدارت حکومت اپوزیشن مذاکرات کاپہلا دور بےنتیجہ

قومی اسمبلی میں شور شرابے کو روکنے کے لیے اسپیکر اسد قیصر کی زیر صدارت حکومت اور اپوزیشن مذاکرات کاپہلا دور بے نتیجہ رہا۔

ذرائع کے مطابق حکومتی ارکان اپنے موقف پر ڈٹ گئے کہ اپوزیشن ارکان شور شرابا کریں گے تو وہ بھی خاموش نہیں رہیں گے۔

حکومت نے اپوزیشن کو قومی اسمبلی کا اجلاس چلانے کے لیے ضابطہ اخلاق پیش کردیا

مجوزہ ضابطہ اخلاق کے مطابق رکن اسمبلی ناشائستہ اور غیرپارلیمانی زبان و بیان سے پرہیز کرے گا، خلاف ورزی پر اسپیکر کارروائی کریں گے جو سب کو قابل قبول ہوگی۔

ذرائع کا یہ بھی کہنا ہے کہ حکومت نے اپوزیشن کو قومی اسمبلی کا اجلاس چلانے کے لیے ضابطہ اخلاق پیش کیا ہے۔ جس کے تحت ہر رکن اسمبلی ناشائستہ اور غیر پارلیمانی زبان و بیان سے پرہیز کرے گا۔ خلاف ورزی پر اسپیکر کی کارروائی سب کے لیے قابل قبول ہوگی۔

وزیر خارجہ شاہ محمود قریشی نے اسی موضوع پر جیو نیوز سے بات کرتے ہوئے کہا کہ یہ نہیں ہو سکتا کہ اپوزیشن پارلیمنٹ میں بات کرے اور حکومت کو نہ کرنے دے۔

مجید نیازی کی اپوزيشن رہنماؤں پر ہوٹنگ کی ایک اور ویڈيو

ویڈیو میں دیکھا جاسکتا ہے وفاقی وزير علی امین گنڈا پوراس انداز سے لطف اندوز ہورہے ہيں۔

شاہ محمود نے کہا کہ وہ وزیر اعظم سے کہتے ہیں کہ وہ ایوان میں آیا کریں۔ وزیراعظم جواب دیتے ہیں کہ وہ ایوان میں آکر کیا کریں اپوزیشن ایوان میں بات نہیں کرنے دیتی۔