ویکسین لگوانے کے سوال پر لارا دتہ نے مداح کو لاجواب کردیا

بھارتی اداکارہ لارا دتہ نے مداح کو ویکسین لگوانے سے متعلق سوال پر لاجواب کردیا۔ 

مائیکرو بلاگنگ ویب سائٹ ٹوئٹر پر ان کا مداحوں کے ساتھ سوالات و جوابات کا سیشن جاری تھا۔ 

اسی دوران ایک مداح نے ان سے سوال کیا کہ کیا آپ نے کورونا وائرس ویکسین نہیں لگوائی؟ 

اس پر انھوں نے جواب دیا کہ میں نے کورونا وائرس ویکسین لگوالی ہے۔ 

ساتھ میں انھوں نے یہ بھی کہا کہ کیونکہ میں نے ویکسین لگواتے ہوئے اپنی تصویر سوشل میڈیا پر شیئر نہیں کی تو آپ کو لگا کہ میں نے ویکسین نہیں لگوائی۔