• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا ویکسین کی قلت ختم، 15 لاکھ خوراکیں پہنچ گئیں

تازہ ترین
قومی خبریں
20 جون ، 2021


کورونا وائرس کی ویکسین بڑی تعداد میں چین سے پاکستان پہنچ گئی جس کے بعد ملک میں سامنے آنے والی ویکسین کی قلت ختم ہو گئی۔

کمانڈ اینڈ آپریشن سینٹر (این سی او سی) کا کہنا ہے کہ کورونا وائرس کی ویکسین سائنو ویک کی 15 لاکھ خوراکیں پاکستان پہنچ گئی ہیں۔

خیبر پختون خوا: 3 لاکھ 99 ہزار افراد کی ویکسینیشن ہو چکی

محکمہ صحت خیبر پختون خوا کے مطابق صوبے میں مجموعی طور پر 3 لاکھ 99 ہزار 231 افراد کی ویکسی نیشن کا عمل مکمل کر لیا گیا ہے۔

این سی او سی کے مطابق سائنو ویک ویکسین کی یہ 15 لاکھ خوراکیں پی آئی اے کی خصوصی پرواز سے وفاقی داراحکومت اسلام آباد لائی گئیں۔

سائنو ویک ویکسین چین سے خریدی گئی ہے، چین نے پاکستان میں ویکسین کی بلاتعطل فراہمی یقینی بنانے کیلئے خصوصی اقدامات کیئے ہیں۔

سندھ: فائزر ویکسین پیر سے لگے گی

صوبہ سندھ میں فائزر کی کورونا وائرس کی ویکسین لگانے کا عمل پیر سے شروع ہو گا۔

کمانڈ اینڈ آپریشن سینٹر کا یہ بھی کہنا ہے کہ آئندہ ہفتے 20 سے 30 لاکھ ویکسین کی مزید خوراکیں پاکستان پہنچ جائیں گی۔

واضح رہے کہ کورونا وائرس کی ویکسین کی قلت کے باعث آج ملک بھر میں کورونا ویکسی نیشن سینٹرز بند کیئے گئے ہیں۔

تازہ ترین