فرمان الہی
نماز کے اوقات
لاہور پولیس نے لاہور کے علاقے صدر میں واقع مدرسے کے طالب علم سے زیادتی کے ملزم مفتی عزیز الرحمٰن اور طالب علم صابر شاہ کا طبی معائنہ کروا لیا ہے۔
لاہور پولیس کے مطابق ملزم عزیز الرحمٰن اور طالب علم صابر شاہ کے طبی معائنے کی رپورٹ چند روز بعد آئے گی۔
لاہور پولیس نے بتایا ہے کہ ملزم عزیز الرحمٰن کا ڈی این اے بھی پنجاب فارنزک سائنس ایجنسی کے ڈیٹا بینک میں ڈال دیا گیا ہے۔
پولیس کے مطابق ملزم اور طالب علم کے میڈیکل کا حکم عدالت کی جانب سے دیا گیا تھا۔
ملزم عزیز الرحمٰن 4 روز کے جسمانی ریمانڈ پر پولیس کی تحویل میں ہے۔
ملزم سے واقعے کے بارے میں تفتیش جاری ہے، اسے جمعرات کو دوبارہ عدالت میں پیش کیا جائے گا۔
واضح رہے کہ طالب علم سے زیادتی کی ویڈیوز منظر عام پر آنے کے بعد ملزم مفتی عزیز اپنے 3 بیٹوں اور ساتھی کے ساتھ فرار ہو گیا تھا۔
ملزم کے خلاف طالب علم صابرشاہ کی مدعیت میں مقدمہ درج کیا گیا تھا۔
ملزم مفتی عزیز اور اس کے بیٹوں کو الگ الگ مقامات سے اتوار 20 جون کو گرفتار کیا گیا تھا۔
گزشتہ روز لاہور کی مقامی عدالت نے ملزم کے تینوں بیٹوں لطیف الرحمٰن، حفیظ الرحمٰن اور وصی الرحمٰن کی 30 جون تک عبوری ضمانت منظور کی تھی۔
