معروف پاکستانی اداکار نعمان اعجاز نے اچھا انسان کہلانے کے خواشمند افراد کو ایک منفرد مشورہ دے دیا ہے۔
پاکستان شوبز انڈسٹری میں شاندار اداکارانہ صلاحیتوں کی وجہ سے اپنا ایک منفرد مقام رکھنے والے اداکار نعمان اعجاز نے ایسے افراد کو ایک منفرد مشورہ دیا ہے جو کہ یہ خواہش رکھتے ہیں کہ لوگ اُنہیں اچھا کہیں۔
اداکار نے فوٹو اینڈ ویڈیو شیئرنگ ایپ انسٹا گرام پر اپنی ایک تصویر شیئر کی ہے، اپنی اس تصویر میں وہ ہمیشہ کی طرح کافی پر اعتماد اور خوش نظر آ رہے ہیں۔
انہوں نے اپنی پوسٹ کے کیپشن میں لکھا کہ ’اگر آپ چاہتے ہیں کہ لوگ آپ کو اچھا کہیں تو آپ اپنا نام (اچھا ) رکھ لیں کیوں کہ اس کے علاوہ اور کوئی راستہ نہیں ہے۔‘
اداکار نعمان اعجاز کی اس دلچسپ پوسٹ کو سوشل میڈیا پر بہت پسند کیا جا رہا ہے۔
واضح رہے کہ نعمان اعجاز اکثر سوشل میڈیا پر دلچسپ اور معنی خیز پوسٹس شیئر کر کے مداحوں کے دل جیتتے نظر آتے ہیں۔
اس سے قبل نعمان اعجاز نے اپنی ایک پوسٹ میں کہا تھا کہ زندگی آسان نہیں ہوتی بلکہ اسے آسان بنانا پڑتا ہے کچھ دُعا کر کے، کچھ صبر کر کے، کچھ نظر انداز کر کے اور کچھ معاف کر کے۔