• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینکنگ فراڈ اوربیرون ملک بھیجنے کا جھانسہ دینے کے الزام میں دو افراد گرفتار

میرا شہر
اسلام آباد
26 جون ، 2021
اسلام آباد (خصوصی نامہ نگار) ایف آئی اے نے بینکنگ فراڈ اوربیرون ملک بھیجنے کا جھانسہ دینے کے الزام میں دو افراد کو گرفتار کر لیا ، ڈائریکٹر ایف آئی اے اسلام آباد زون وقار چوہان کی ہدایت پر ایڈیشنل ڈائریکٹر کمرشل بینکنگ سرکل اسلام آباد کی زیرنگرانی تفتیشی افسر راشد علی نے ٹیم کے ہمراہ چھا پے کے دوران ایک ملزم سہیل احمد کو گرفتار کرلیا ملزم پر الزام تھا کہ جب ملزم بطور اسسٹنٹ سیل منیجر الائیڈ بینک واہ کینٹ میں تعینات تھا تب ملزم نے ایک خاتون سے 12 لاکھ روپے کا فراڈ گیا تھا ملزم نے خاتون سے سٹاک میں انویسٹمنٹ کی مد میں 29 لاکھ روپے کے چیک لیے تھے اور بینک میں صرف سترہ لاکھ روپے کے چیک جمع کروائے تھے باقی کے 12 لاکھ روپے خود کے اکاؤنٹ میں جمع کروا دیے تھے ملزم کو گرفتار کرنے کے بعد مزید تفتیش جاری ہے،ڈائریکٹر ایف آئی اے اسلام آباد زون کی ہدایت پرا یڈیشنل ڈائریکٹر ایف آئی اے اے ایچ ٹی سی راولپنڈی کی زیر نگرانی تفتیشی افسر سب انسپکٹر جاوید اقبال نے ٹیم کے ہمراہ ریڈ کرتے ہوئے FIR نمبر 86/21میں مطلوب ملزم محمد عثمان کو گرفتار کرلیا ملزم نے ملائیشیا میں نوکری دلوانے کا جھانسہ دے کر معصوم شہری سے 4 لاکھ 25 ہزار روپے کا فراڈ کیا تھا ۔
تازہ ترین