• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راول ڈیم چوک فلائی اوورکیلئے تعمیراتی کام کے اختتام تک ٹریفک پلان جاری

میرا شہر
اسلام آباد
04 جولائی ، 2021
راولپنڈی (سٹاف رپورٹر)اسلام آباد ٹریفک پولیس نے زیر تعمیرراول ڈیم چوک فلائی اوورکیلئے 4جولائی سے اختتام کام تک کا ٹریفک پلان جاری کردیا۔عوام دفتری اوقات اور رش کے دوران متبادل راستے استعمال کریں ۔مری ، بھارہ کہو سے براستہ راول ڈیم چوک راولپنڈی اور ایکسپریس وے پرآنے جانے والے سری نگر ہائی وے زیرو پوائنٹ ، فیض آباد سے راولپنڈی اور ایکسپریس وے استعمال کریں۔آئی جے پی روڈ سے مری اور بھارہ کہو جانے والے نائینتھ ایونیو ، سری نگر ہائی وے ، کشمیر چوک ، مری روڈآنے جانے کیلئے استعمال کریں۔ پارک روڈ سے براستہ راول ڈیم چوک ایکسپریس وے اورراولپنڈی جانے والے حضرات پارک روڈ سے، لہتراڑ روڈ، کھنہ پل، ایکسپریس وے ، فیض آبادآنے جانے کیلئے استعمال کریں۔ایس ایس پی ٹریفک سید کرار حسین نے شہریوں سے اپیل کی ہے کہ غیر ضروری سفر سے اجتناب کریں۔
تازہ ترین