فرمان الہی
نماز کے اوقات
کراچی (این این آئی) سابق صدر پاکستان اور صدر پاکستان پیپلز پارٹی پارلیمنٹیرینز ، آصف علی زرداری نے 5 جولائی کے موقع پراپنے ایک پیغام میں کہا کہ آمر ہلاک ہوگئے لیکن تاریخ انہیں کبھی معاف نہیں کرتی۔ 5 جولائی 1977 کو پاکستان کی تاریخ میں ایک فوجی بغاوت میں جب ایک آمر نے جمہوری حکومت کا خاتمہ کیا تو وہ کالا دھبہ رہا۔انہوں نے کہا کہ پارلیمنٹ اعلی ہے کہ بیانیہ غالب آئیگا۔صدر زرداری نے کہا کہ آمروں کے چہرے بدلتے رہتے ہیں لیکن ان کی سوچ نہیں بدلی۔ شہید محترمہ بینظیر بھٹو نے جمہوری جدوجہد کے ذریعے دو آمروں کو شکست دی اور جمہوریت کے لئے جدوجہد ابھی ختم نہیں ہوئی۔ انہوں نے ان لوگوں کو زبردست خراج تحسین پیش کیا جنہوں نے پاکستان میں آئین اور جمہوریت کیلئے اپنی جانوں کا نذرانہ پیش کیا۔صدر زرداری نے کہا کہ 18 ویں ترمیم آمروں کیخلاف جمہوری انتقام ہے۔ پارلیمنٹ کو مجروح کرنا جمہوریت سے انتقام ہے۔ 1973 کا آئین وفاق کے تحفظ کی ضمانت دیتا ہے۔
