املتان( سٹاف رپورٹر )پاک سرزمین پارٹی کے رہنما پارٹی کی تنظیم سازی کے سلسلے میں ملتان پہنچ گئے۔پاک سرزمین پارٹی کے سینئررہنما رضاہارون، افتخاررندھاو ا،شیخ کرامت علی،محمدیسیٰن ودیگر نے ملتان آمد پر حضرت بہاءالدین زکریا اور حضرت شاہ رکن عالم ؒ کے مزار وںپر حاضری دی۔اس موقع پر میڈیا سے گفتگو کرتے ہوئے رضاہارون کا کہنا تھا کہ پاک سرزمین پارٹی تیزی سے پنجاب میں تنظیم سازی کررہی ہے۔ملتان سمیت جنوبی پنجاب بھر میں پارٹی کی کمیٹیوں کا اعلان کیا جائے گا۔انہوں نے کہا کہ پاناما لیکس کے انکوائری کے مسئلے پر ادارے ناکام ہوچکے ہیں۔نیب بھی اپناکام نہیں کررہی ۔شفاف احتساب وقت کی ضرورت ہے،پاک سرزمین پارٹی نے ملتان ڈویژن کے چاراضلاع خانیوال ،لودھراں ،ملتان ،وہاڑی میں آرگنائز نگ کمیٹی کے قیام کا اعلان کردیا ہے ، جن میں آرگنائزر کرامت علی ، جوائنٹ آرگنائزرریاض دہرالہ اور قیصر عباس جبکہ دیگر ممبران میں ریاض ندیم ،جان عرفان،منورحفیظ ،شیخ قیصر ،حاجی محمد ترین ،محمد باقر اور مرزا بہادر علی کو نامزد کیا گیا ہے۔
فرمان الہی
نماز کے اوقات
