دلیپ کمار کی تدفین کب ہوگی؟

98 سال کی عُمر میں انتقال کرجانے والے بالی ووڈ فلم نگری کے لیجنڈری اداکار یوسف خان المعروف دلیپ کمار کی تدفین کا اعلان کردیا گیا۔

بھارتی میڈیا رپورٹس کے مطابق دلیپ کمار کی میت ممبئی کے اسپتال سے اُن کے گھر منتقل کی جارہی ہے۔

اس کے علاوہ دلیپ کمار کے تصدیق شدہ ٹوئٹر اکاؤنٹ پر اُن کی تدفین کے بارے میں بھی اہم اطلاع دی گئی ہے۔

بالی ووڈ کے لیجنڈری اداکار دلیپ کمار انتقال کرگئے

بالی ووڈ فلم نگری پر طویل عرصے تک راج کرنیوالے لیجنڈری اداکار یوسف خان المعروف دلیپ کمار 98 سال کی عُمر میں انتقال کرگئے۔

ترجمان دلیپ کمار کی جانب سے مائیکرو بلاگنگ سائٹ ٹوئٹر پر جاری کیے گئے پیغام میں بتایا گیا کہ’دلیپ کمارکی تدفین آج شام 5 بجے ممبئی کے علاقہ سینٹاکروز کے جوہو قبرستان میں کی جائےگی۔‘

دوسری جانب بھارتی صدر رام ناتھ کووند نے بھی دلیپ کمار کے انتقال پر تعزیتی پیغام جاری کیا ہے۔

دلیپ کمار کی خدمات آنے والی نسلیں بھی یاد رکھیں گی: راہول گاندھی

بھارت کی کانگریس پارٹی کے سابق صدر اور سونیا گاندھی کے بیٹے راہول گاندھی کی جانب سے بالی ووڈ کے لیجنڈری اداکار دلیپ کمار کے انتقال گہرے دُکھ کا اظہار کیا گیا ہے۔

بھارتی صدر رام ناتھ کووند نے اپنے پیغام میں کہا کہ دلیپ صاحب بھارت کی تاریخ اپنےاندر سموئے ہوئے تھے۔

اُنہوں ننے کہا کہ دلیپ کمار بھارتی عوام کے دلوں میں ہمیشہ زندہ رہیں گے۔

واضح رہے کہ بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے۔

دلیپ کمار کیساتھ فن کا ایک ادارہ بھی دُنیا سے رخصت ہوگیا ہے: امیتابھ بچن

بالی ووڈ کی دُنیا میں بِگ بی کے نام سے مشہور سینئر اداکار امیتابھ بچن نے لیجنڈری اداکار دلیپ کمار کے انتقال پر شدید افسوس کا اظہار کرتے ہوئے کہا ہے کہ دلیپ کمار کے ساتھ فن کا ایک اداراہ بھی دُنیا سے رخصت ہوگیا ہے۔

دلیپ کمار کے انتقال کی خبر اُن کے تصدیق شدہ ٹوئٹر اکاؤنٹ پر اُن کے ترجمان فیصل فاروقی کی جانب سے دی گئی ہے۔

خیال رہے کہ لیجنڈری اداکار دلیپ کمار گزشتہ کئی سالوں سے بیمار تھے جس کی وجہ سے اُنہیں اکثر معائنے کے لیے اسپتال منتقل کیا جاتا تھا۔

دلیپ کمار کا انتقال بالی ووڈ کیلئے بہت بڑا نقصان ہے: نریندر مودی

بھارتی وزیر اعظم نریندر مودی نے بالی ووڈ کے لیجنڈری اداکار دلیپ کمار کے انتقال کی خبر شدید افسوس کا اظہار کرتے ہوئے کہا ہے کہ دلیپ کمار کا انتقال بالی ووڈ کیلئے بہت بڑا نقصان ہے۔

دلیپ کمار سانس لینے میں دشواری کی وجہ سے ممبئی کے اسپتال میں زیرِ علاج تھے۔