فرمان الہی
نماز کے اوقات
گزشتہ روز انتقال کر جانے والے دلیپ کمار کے حوالے سے پاکستانی اداکار بھی اپنی یادیں شیئر کر رہے ہیں۔
اداکار و میزبان واسع چوہدری نے یوسف خان المعروف دلیپ کمار کے ہمراہ بچپن کی ایک تصویر شیئر کی اور ساتھ ہی اپنے دادا کی بھی دلیپ کمار کے ہمراہ خوشگوار یاد شیئر کی۔
انسٹا گرام پر ماضی کی تصاویر شیئر کرتے ہوئے واسع چوہدری نے دلیپ کمار کو خراجِ تحسین پیش کیا ہے۔
دادا اور دلیپ کمار کی تصویر کے حوالے سے واسع چوہدری نے لکھا ہے کہ ’یہ دلیپ کمار کا ہی کمال ہے کہ وہ دادا کے چہرے پر مسکراہٹ لے آئے ورنہ یہ ایک مشکل کام تھا۔‘
واضح رہے کہ بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار گزشتہ روز 98 سال کی عُمر میں انتقال کر گئے۔
