فرمان الہی
نماز کے اوقات
بلڈ کینسر کے باعث انتقال کرجانے والے اولمپیئن نوید عالم کی نماز جنازہ آج رات 10 بجے کمپنی باغ شیخوپورہ میں ادا کی جائے گی۔
پاکستان ہاکی فیڈریشن (پی ایچ ایف) کی جانب سے جاری بیان میں کہا گیا ہے کہ نوید عالم کی نماز جنازہ آج رات 10 بجے کمپنی باغ شیخوپورہ میں ادا کی جائے گی جس میں سیکریٹری جنرل پی ایچ ایف آصف باجوہ، منظور جونیئر، آصف ناز، خواجہ جنید و دیگر نمازجنازہ میں شرکت کریں گے۔
پاکستان ہاکی فیڈریشن صدر خالد سجاد کھوکھر اور سیکریٹری اولمپیئن آصف باجوہ نے نوید عالم کے انتقال پر دکھ کا اظہار کیا ہے۔
پاکستان کرکٹ بورڈ کے عہدیداروں کی جانب سے بھی اولمپیئن نوید عالم کے اہل خانہ سے تعزیت کا اظہار کیا گیا ہے۔
یاد رہے کہ کینسر کے مرض میں مبتلا قومی ہاکی اولمپیئن نوید عالم 47 برس کی عمر میں انتقال کرگئے ہیں۔
نوید عالم کی بیٹی نے والد کی موت کی تصدیق کرتے ہوئے کہا کہ نوید عالم کی گزشتہ رات شوکت خانم اسپتال لاہور میں کیموتھراپی ہوئی تھی۔
کیموتھراپی کے بعد نوید عالم کی طبیعت بگڑگئی تھی، طبیعت بگڑنے کےبعد نوید عالم کوآئی سی یو منتقل کردیا گیا تھا تاہم ان کی طبیعت نہ سنبھل سکی اور وہ انتقال کر گئے۔
