ملک میں کورونا وائرس کی چوتھی لہر کا آغاز ہو چکا: سیکریٹری صحت KPK

خیبر پختون خوا کے سیکریٹری صحت سید امتیاز حسین شاہ کا کہنا ہے کہ ملک میں کورونا وائرس کی چوتھی لہر کا آغاز ہو چکا ہے۔

جیو نیوز سے بات چیت کرتے ہوئے سیکریٹری صحت خیبر پختون خوا سید امتیاز حسین شاہ نے کہا کہ کورونا وائرس کی چوتھی لہر کے پیشِ نظر حفاظتی اقدامات یقینی بنا رہے ہیں۔

پاکستان، بھارتی کورونا ویرینٹ کے کیس بڑھ گئے

پاکستان میں بھارتی ڈیلٹا ویرینٹ کے کورونا وائرس کے کیسز بڑھ گئے، ملک میں مثبت کورونا کیسز کی شرح 4 فیصد سے اوپر ہو گئی۔

انہوں نے بتایا کہ برطانیہ، بھارت اور جنوبی افریقا کی کورونا وائرس کی مختلف اقسام یہاں پائی گئی ہیں۔

سید امتیاز حسین شاہ کا کہنا ہے کہ پشاور میں گزشتہ 1 ہفتے کے دوران کورونا وائرس کے کیسز کی شرح میں معمولی اضافہ ہوا ہے۔

ان کا کہنا ہے کہ صوبے بھر میں کورونا وائرس کی ایس او پیز پر سختی سے عمل درآمد کی ہدایت کی ہے۔

کراچی: کورونا کے بھارتی ڈیلٹا ویرینٹ کے 35 کیسز کی تصدیق

محکمہ صحت سندھ نے ملک کے سب سے بڑے شہر کراچی میں کورونا وائرس کے بھارتی ڈیلٹا ویرینٹ کے 35 کیسز کی تصدیق کر دی۔

خیبر پختون خوا کے سیکریٹری صحت نے مزید کہا ہے کہ عید الاضحیٰ پر کورونا وائرس کی ایس او پیز پر عمل درآمد کو یقینی بنایا جائے گا۔

سید امتیاز حسین شاہ کا یہ بھی کہنا ہے کہ عوام کورونا وائرس سے بچاؤ کی احتیاطی تدابیر نظر انداز کر رہے ہیں۔