گنڈا پور نے اپوزیشن لیڈر پر حملہ کیا، گالیاں دیں: شاہد خاقان عباسی

مسلم لیگ نون کے رہنما اور سابق وزیرِ اعظم شاہد خاقان عباسی کا کہنا ہے کہ علی امین گنڈا پور نے اپوزیشن لیڈر پر کتابیں پھینکیں، حملہ کیا اور گالیاں دیں۔

علی گنڈا پور کے بیان پر مصطفیٰ نواز کھوکھر کا شدید ردعمل

پیپلز پارٹی کے رہنما سینیٹر مصطفیٰ نواز کھوکھر نے وفاقی وزیر علی امین گنڈا پور کے پیپلز پارٹی کے بانی چیئرمین ذوالفقار علی بھٹو سے متعلق بیان پر اپنے شدید ردعمل کا اظہار کرتے ہوئے کہا ہے کہ ہمارے ملک کا المیہ ہے کہ غداری اور کفر کے سرٹیفیکیٹ ایسے ہی جاری کردیئے جاتے ہیں۔

علی امین گنڈا پور کے بیان پر اپنے ردِعمل کا اظہار کرتے ہوئے مسلم لیگ نون کے رہنما اور سابق وزیرِ اعظم شاہد خاقان عباسی کا کہنا ہے کہ جس ظرف کا آدمی ہوتا ہے وہ اسی طرح کی باتیں کرتا ہے۔

انہوں نے کہا کہ وزیر کبھی ایسی باتیں نہیں کرتے، وزیرِ اعظم عمران خود ان سب کو بھیجتے ہیں کہ ایسی باتیں کریں۔

ذوالفقارعلی بھٹو غدار، نوازشریف ڈاکو ہیں، امین گنڈاپور

آزاد کشمیر میں تقریر کے دوران ذوالفقار علی بھٹو کو غدار اور نوازشریف کو ڈاکو قرار دے دیا۔

سابق وزیرِ اعظم نے مزید کہا کہ بات ایک آدمی کرتا ہے، شرمندگی سارے ہاؤس کو ہوتی ہے، آج ایوان میں سب شرمندہ ہیں۔

شاہد خاقان عباسی کا یہ بھی کہنا ہے کہ یہ تماشے ہم دیکھ چکے ہیں، وزیرِ اعظم خود ڈیوٹیاں لگاتے ہیں کہ گالیاں دینی ہیں۔