فرمان الہی
نماز کے اوقات
وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا ہے کہ گزشتہ 24 گھنٹوں میں15201 نمونوں کی جانچ کی گئی۔ جس کے نتیجے میں مزید 1466 نئے کیسز رپورٹ ہوئے۔
انھوں نے کہا کہ گزشتہ 24 گھنٹوں میں 25 اموات رپورٹ ہوئیں۔ اس طرح اموات کی مجموعی تعداد 5672 ہوچکی ہے۔ آج مزید 649 مریض صحتیاب ہوئے ہیں۔ جس کے بعد صوبے میں وبا سے صحتیاب افراد کی مجموعی تعداد 319445 ہوچکی ہے۔
انھوں نے کہا کہ اب تک 4742252 نمونوں کی جانچ کی جاچکی ہے۔ اور اب تک 352455 کیسز رپورٹ ہوچکے ہیں۔ اس وقت 27338 مریض زیر علاج ہیں۔ جن میں سے 26365 گھروں میں، 65 آئسولیشن سینٹرز میں اور 908 مریض مختلف اسپتالوں میں زیر علاج ہیں۔
وزیراعلیٰ نے بتایا کہ 836 مریضوں کی حالت تشویشناک بتائی گئی ہے۔ 59 مریض وینٹی لیٹرز پر ہیں۔ انھوں نے کہا کہ صوبے کے 1466 نئے کیسز میں سے 1116 کا تعلق کراچی سے ہے۔
جن میں ضلع شرقی 391، ضلع وسطی 296، ضلع جنوبی 225، ملیر 87، کورنگی 81 اور ضلع غربی سے 36 نئے کیسز رپورٹ ہوئے ہیں۔
دیگر اضلاع میں حیدرآباد 61، ٹھٹھہ 41، مٹیاری 35، دادو 32، سکھر 19، شہید بینظیر آباد 18، نوشہرو فیروز 13، جامشورو 13، ٹنڈو محمد خان 11، بدین 11، سانگھڑ 10، کشمور 9، میرپور خاص 9، تھرپارکر 9، سجاول 8، عمرکوٹ 8، خیرپور 4 اور جیکب آباد سے 3 کیسز سامنے آئے ہیں۔
