مادھوری ڈکشٹ ’ویب ڈیبیو‘ کیلئے تیار

مشہور بالی ووڈ اداکارہ مادھوری ڈکشٹ ویب سیریز اور اسٹریمنگ سروسز کی روز بروز بڑھتی مقبولیت دیکھ کر ’ویب ڈیبیو‘ دینے کے لیے تیار ہیں۔

اس حوالے سے مادھوری ڈکشٹ نے اپنے ایک انٹرویو میں اسٹریمنگ سروسز کے بارے میں بات کرتے ہوئے کہا کہ ’ڈیجیٹل پلیٹ فارم کہانیاں لکھنے اور ترتیب دینے والوں کو آزادی کا احساس دلاتا ہے جو کہ بڑی اسکرین نہیں دیتی ہے۔‘

انہوں نے کہا کہ ’پچھلے سال، جب لوگ گھر بیٹھے تھے، تو وہ صرف ڈیجیٹل پلیٹ فارم کے ذریعے انٹرٹینمنٹ حاصل کر رہے تھے، یہ لوگوں کو انتخاب کرنے کا موقع فراہم کرتا ہے کہ وہ اپنی خواہش کے مطابق جب بھی وہ چاہیں فلم ہو یا سیریز دیکھ سکتے ہیں، انٹرٹینمنٹ کے لیے آپ کو کہیں جانے کی ضرورت نہیں ہے۔‘

مادھوری ڈکشٹ کی شگفتہ علی کیلئے 5 لاکھ کی امداد

ماضی میں بالی ووڈ کو سُپر ہٹ فلمیں دینے والی معروف اداکارہ اور ڈانسنگ کوئین مادھوری ڈکشٹ کی جانب سے بھارتی فلموں اور ٹیلی ویژن کی اداکارہ شگفتہ علی کو 5 لاکھ روپے کی امداد دی گئی ہے۔

بھارت میں ڈیجیٹل پلیٹ فارم کی کامیابی کی تعریف کرتے ہوئے بالی ووڈ اداکارہ کا کہنا تھا کہ ’جب تخلیقی صلاحیت کی بات آتی ہے تو، ویب اسپیس حقیقی کہانیاں لکھنے والوں کے لیے ایک بہت بڑا موقع ہے۔‘

اداکارہ نے مزید کہا کہ ’آپ کو فلم بنانے میں رکاوٹوں کے بارے میں سوچنے کی ضرورت نہیں ہے کہ کیا یہ تمام ناظرین کو پسند آئے گی، کیا یہ فلم ہِٹ ہوگی،  یہ ساری مجبوریاں اسٹریمنگ سروسز پر موجود نہیں ہیں۔ لہٰذا، آپ اپنی کہانیاں جس طرح آپ چاہتے ہیں بتا سکتے ہیں۔‘

سونیا حسین مادھوری ڈکشٹ قرار

پاکستان شوبز انڈسٹری کی معروف اور باصلاحیت اداکارہ سونیا حسین کو سری دیوی کے بعد اب بالی ووڈ اداکارہ مادھوری ڈکشٹ قرار دے دیا گیا ہے۔

جس سیریز میں اداکارہ اپنی اداکاری کے جوہر دکھانے والی ہیں اس کے بارے میں انہوں نے کہا کہ’انہیں خوشی ہے کہ ان کو کردار اور مواد کو تخلیق کرنے کا تھوڑا وقت ملا ہے۔‘

تاہم مادھوری ڈکشٹ جس سیریز میں اداکاری کرنے جارہی ہیں اس کا نام یا مزید تفصیلات منظر عام پر نہیں آئیں۔