ماورا کی اپنے بہنوئی پر ساتھی اداکار امیر گیلانی کو ترجیح

شوبز انڈسٹری کی خوبرو اداکارہ ماورا حسین نے اپنے بہنوئی فرحان سعید پر اپنے ساتھی اداکار امیر گیلانی کو ترجیح دے دی۔

گزشتہ دنوں ماورا حسین نے اپنے ساتھی اداکار اور بہترین دوست امیر گیلانی کے ہمراہ ایک نجی ٹی وی چینل کے ٹاک شو میں شرکت کی جہاں اُنہوں نے میزبان واسع چوہدری کے مختلف سوالات کے جواب دیے۔

شو کے دوران میزبان نے ماورا حسین کو ایک صورتحال دی کہ  آپ کی کشتی ڈوب رہی ہے اور آپ کے پاس زندگی بچانے کے لیے صرف دو جیکٹس ہیں جس میں سے ایک آپ خود پہن لیں گی۔

امیر گیلانی نے ماورا کو رمضان سے قبل کیا تحفہ دیا؟

گزشتہ سال نجی ٹی وی چینل پر نشر ہونے والے مقبول ترین ڈرامہ سیریل ’ثبات‘ میں اداکار ماورا حسین کے ساتھ مرکزی کردار ادا کرنے والے اداکار امیر گیلانی نے رمضان سے قبل ماورا کو خوبصورت تحفہ دے دیا۔

واسع چوہدری نے پوچھا کہ ’آپ دوسری جیکٹ سے کس کی زندگی بچائیں گی، فرحان سعید، ہمایوں سعید یا امیر گیلانی؟‘

میزبان کے سوال کا جواب دیتے ہوئے ماورا حسین نے فوراََ کہا کہ ’میں دوسری جیکٹ سے امیر گیلانی کو ڈوبنے سے بچاؤں گی۔‘

ماورا حسین کا جواب سُن کر امیر گیلانی شرمانے لگے جبکہ واسع چوہدری حیران ہوگئے۔

بچپن سے ہی اداکاری کا شوق تھا، امیر گیلانی

پاکستان ڈرامہ انڈسٹری کے نئے اُبھرتے ہوئے اداکار امیر گیلانی کا کہنا ہے کہ اُنہیں بچپن سے ہی اداکاری کابے حد شوق تھا۔

واضح رہے کہ امیر گیلانی نے مقبول ترین ڈرامہ سیریل ’ثبات‘ میں ماورا حسین کے ساتھ مرکزی کردار ادا کیا تھا، اس ڈرامے کے دیگر اداکاروں میں عثمان مختار اور سارہ خان شامل تھیں جبکہ یہ ڈرامہ سیریل ایک نجی ٹی وی چینل سے نشر کیا گیا تھا۔