فحش فلمیں کیس: راج کندرا کیخلاف تحقیقات کا دائرہ کار وسیع

فحش فلمیں کیس میں گرفتار اداکارہ شلپا شیٹی کے شوہر راج کندرا کی پریشانی میں مزید اضافہ ہوگیا۔ 

بھارت میڈیا کی رپورٹ کے مطابق اینفورسمنٹ ڈائریکٹریٹ (ای ڈی) ان کے خلاف منی لانڈرنگ کا کیس بھی کرنے جارہی ہے۔ 

خیال رہے کہ راج کندرا کو ممبئی پولیس کے کرائم برانچ نے غیر اخلاقی فلمیں بنانے اور انھیں ایپ کے ذریعے ریلیز کرنے کے الزام میں گرفتار کرلیا تھا۔ 

بہنوئی راج کندرا کی گرفتاری کے بعد شمیتا شیٹی کا بیان سامنے آگیا

فوٹوز اینڈ ویڈیوز شیئرنگ ایپ انسٹاگرام پر شمیتا شیٹی نے شلپا شیٹی کی نئی فلم ہنگامہ 2 کا پوسٹر شیئر کیا اور لکھا کہ یہ بھی گزر جائے گا۔

نامور کاروباری شخصیت سے متعلق پولیس نے عدالت میں کہا تھا کہ ان کے پاس راج کندرا سے متعلق کافی ثبوت موجود ہیں، جبکہ اس نے یہ بھی کہا تھا کہ وہ ان کے بینک اکاؤنٹ سے متعلق تفتیش کرنا چاہتی ہے۔

تاہم اب یہ اطلاعات ہیں کہ معاشی معاملات سے متعلق قانونی نافذ کرنے والے ادارے ای ڈی نے بھی راج کندرا کے خلاف تحقیقات کرنے اور ان کے خلاف منی لانڈرنگ کا کیس دائر کرنے کا فیصلہ کیا ہے۔