شہباز شریف کے قیادت چھوڑنے کی باتوں میں صداقت نہیں: رانا ثناء

مسلم لیگ نون کے رہنما رانا ثناء اللّٰہ کا کہنا ہے کہ شہباز شریف کے پارٹی قیادت چھوڑنے کی باتوں میں کوئی صداقت نہیں ہے۔

لاہور کی انسدادِ منشیات کی عدالت کے باہر میڈیا سے گفتگو کے دوران ایک صحافی کے سوال کے جواب میں مسلم لیگ نون کے رہنما رانا ثناء اللّٰہ نے یہ بات کہی۔

رانا ثناء اللّٰہ پر فردِ جرم عائد نہ ہو سکی

لاہور کی انسدادِ منشیات کی خصوصی عدالت میں 15 کلو منشیات برآمد ہونے کے کیس میں مسلم لیگ نون کے سینئر رہنما رانا ثناء اللّٰہ پر آج فردِ جرم عائد نہ ہوسکی۔

صحافی نے ان سے سوال کیا کہ شہباز شریف کے پارٹی کی قیادت چھوڑنے کی اطلاعات ہیں، اس میں کتنی صداقت ہے؟

رانا ثناءاللّٰہ نے جواب دیا کہ شہباز شریف ہماری پارٹی کے صدر ہیں، ان کے پارٹی قیادت چھوڑنے کی باتوں میں کوئی صداقت نہیں ہے۔

انہوں نے کہا کہ میری طرح میاں شہباز شریف کے لیڈر بھی میاں نواز شریف ہیں، شہباز شریف پارٹی کے ساتھ ہیں اور رہیں گے۔

آمدن سے زائد اثاثے، رانا ثناء کی ضمانت میں ایک ماہ کی توسیع

لاہور (نمائندہ جنگ)آمدن سے زائد اثاثہ جات کیس میں...

رانا ثناء اللّٰہ نے کہا کہ 3 سال بعد مالم جبہ کیس بھی ختم ہو گیا، بی آر ٹی کیس بھی ختم ہو گیا، وقت آ گیا ہے کہ ان قومی مجرموں کو منطقی انجام تک پہنچایا جائے۔

مسلم لیگ نون کے رہنما کا یہ بھی کہنا ہے کہ سیالکوٹ میں ضمنی الیکشن پریزائیڈنگ افسران کے ذریعے چوری کروایا گیا ہے۔