فرمان الہی
نماز کے اوقات
کھلے سمندر میں ریسکیو کیے گئے افریقی جہاز کے عملے کو کراچی بندرگاہ پہنچا دیا گیا۔
پاک بحریہ اور میری ٹائم سکیورٹی ایجنسی نے مشترکہ ریسکیو آپریشن کرکے پندرہ افراد کو بچایا۔
ڈائریکٹر آپریشن ایم ایس اے کا کہنا ہے کہ بھارت سے صومالیہ جانے والا جہاز ساحل سے 190 ناٹیکل میل دور ڈوبا۔
ریسکیو کیے جانے والے عملے کے تمام افسراد کا تعلق شام سے ہے، ڈوبنے والے 3 ارکان کی تلاش جاری ہے۔
ریسکیو آپریشن مکمل ہونے کے بعد ڈوبنے والے جہاز کے 15 افراد کو کراچی پورٹ پر پہنچا دیا گیا۔
کراچی کے ساحل سے 180 ناٹیکل میل دور جنوب میں پھنسے افریقی مرچنٹ جہاز ’ایم وی سُواری ایچ‘ کے 18 رکنی عملے کو بچانے کے لئے ریسکیو آپریشن کیا گیا۔
جہاز ایم وی سُواری ایچ بھارتی شہر کاندلا سے صومالیہ جا رہا تھا، جہاز کا انجن بند ہوگیا تھا اور پانی بھرنے کے باعث جہاز ڈوب گیا۔
پاک بحریہ اور پاکستان میری ٹائم سیکیورٹی ایجنسی کے ہوائی جہازوں نے کھلے سمندر میں مشترکہ آپریشن کے دوران پھنسے ہوئے جہاز کے عملے کی قیمتی جانیں بچائِیں۔
آپریشن کے دوران جان بچانے کے لئے لائف رافٹس بھی فراہم کی گئیں، مرچنٹ شپ بھارت سے چینی اور دیگر غذائی اشیاء لے جارہا تھا ۔
پی این ایس اصلت اور میری ٹائم سیکیورٹی ایجنسی کے جہاز کشمیر نے مرچنٹ شپ کے عملے کو بندرگاہ پر پہنچایا۔
پاکستان نیوی، نیو ایریا 9 (NAVAREA IX) کی کوآرڈینیٹر ہے اور میری ٹائم تحفظ کے ساتھ ساتھ سمندر میں مشکل میں پھنسے بحری اور ہوائی جہازوں کو مدد بھی فراہم کرتی ہے۔
