• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت خطے کا امن پارہ پارہ کرناچاہتا ہے، شاہ محمود قریشی

وزیر خارجہ شاہ محمود قریشی نے کہا ہے کہ بھارت خطے کا امن پارہ پارہ کرناچاہتا ہے، خطے میں امن کا قیام اولین ترجیح ہے۔ 

ملتان میں میڈیا سے گفتگو کرتے ہوئے شاہ محمود قریشی نے مزید کہا کہ دنیا میں امن قائم کرنے کے لیے کشمیر اور فلسطین کے مسئلہ کو حل کرنا ہوگا۔ وزیراعظم عمران خان مسلم امہ کے سفیر کی حیثیت سے کام کر رہے ہیں۔

انھوں نے کہا کہ کشمیری عوام نے تحریک انصاف کو بھاری مینڈیٹ دے کر ہمارا موقف اُجاگر کیا۔ آزاد کشمیر کے عوام نے پیپلز پارٹی اور پاکستان مسلم لیگ نواز کو مسترد کر دیا۔

انھوں نے کہا کہ وزیراعظم 5 اگست کو آزاد کشمیر جانے کا ارادہ رکھتے ہیں۔

قومی خبریں سے مزید