سعودی عرب سے 28 قیدی پاکستان پہنچ گئے

سعودی عرب میں معمولی جرائم کے مرتکب 28 پاکستانی وطن واپس پہنچ گئے، رہائی پانے والے پاکستانی خصوصی طیارے کے ذریعے لاہور پہنچے۔

وزیراعظم عمران خان کی درخواست پر خادمِ حرمین شریفین سلمان بن عبدالعزیز نے ان 28 پاکستانیوں کو معافی دی۔

سعودی عرب سے قیدیوں کی جلد واپسی کیلئے حکام سے رابطے میں ہیں، دفتر خارجہ

ترجمان دفتر خارجہ کے مطابق رہا کیے گئے 85 افراد میں سے 62 افراد کی وطن واپسی ہوگئی ہے، 23 رہا ہونے والے قیدیوں کی واپسی کے انتظامات بھی کیے جارہے ہیں۔

رہائی پانے والے پاکستانیوں نے وزیرِ اعظم پاکستان عمران خان اور سعودی حکومت کا شکریہ ادا کیا ہے۔

رہائی پانے والے پاکستانی خصوصی طیارے کے ذریعے لاہور پہنچے جہاں ایئر پورٹ پر پی ٹی آئی کے رہنما سینیٹر اعجاز چوہدری نے قیدیوں کا استقبال کیا۔

اس موقع پر سینیٹر اعجاز چوہدری نے میڈیا سے گفتگو کرتے ہوئے کہا کہ اس سے قبل 62 اور آج 28 لوگ وطن واپس آئے ہیں، اس کے لیے سعودی حکومت کے شکر گزار ہیں۔

سعودی عرب سے 1100 قیدی پاکستانی جیلوں میں منتقل ہوں گے، شیخ رشید

وزیر داخلہ شیخ رشید نے سعودی عرب سے قیدیوں کی پاکستانی منتقلی کی تفصیلات جاری کردی ہیں۔

پی ٹی آئی کے سینیٹر نے مزید کہا کہ ان پاکستانیوں کو عمران خان کی کاوشوں سے اپنے پیاروں سے ملنے کا موقع ملا ہے۔

سینیٹر اعجاز چوہدری کا یہ بھی کہنا ہے کہ حکومت گلف میں پاکستانیوں کے مسائل حل کرنے کے لیے کوشاں ہے۔