جنوبی افریقا سے بھی کشمیریوں کی حمایت میں آوازیں بلند ہونے لگیں

جنوبی افریقا سے بھی کشمیریوں کی جدوجہد آزادی کی حمایت میں آوازیں بلند ہونے لگیں۔ یوم استحصالِ کشمیر پر جاری ایک خصوصی پیغام میں نیلسن منڈیلا کے پوتے مانڈیلا منڈیلا نے کہا ہے کہ وہ کشمیریوں سے یک جہتی کا اظہار کرتے ہیں۔

مانڈیلا منڈیلا نے کہا کہ کشمیریوں کی جدوجہد آزادی کی تحریک میں وہ ان کے ساتھ کھڑے ہیں۔

مسئلہ کشمیر عالمی سطح پر تشویش کا باعث ہے، پرنس دالمینی

جنوبی افریقہ کے آنجہانی رہنما نیلسن منڈیلا کے داماد اور جنوبی افریقی لیڈر پرنس دالمینی نے کشمیریوں کے نام پیغام میں کہا ہے کہ مسئلہ کشمیر عالمی سطح پر تشویش کا باعث ہے۔ اقوام متحدہ میں یہ ایشو اٹھایا جا چکا کہ کشمیر پاکستان کا حصہ ہے۔

انہوں نے کہا کہ وہ مقبوضہ کشمیر میں بھارت کے جابرانہ تسلط اور اقدامات کی مذمت کرتے ہیں۔ بھارت سے مطالبہ کرتے ہیں کہ وہ عالمی قوانین کی پاس داری کرے اور  کشمیریوں کی نسل کشی بند کی جائے۔