• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملازمتوں میں اقلیتوں کے 5 فیصد کوٹے پر عمل کرائیں گے، چیف جسٹس آف پاکستان

تازہ ترین
قومی خبریں
11 اگست ، 2021


چیف جسٹس آف پاکستان جسٹس گلزار احمد نے اقلیتوں کے ملازمتوں میں کوٹے پر عمل کرانے کے عزم کا اظہار کردیا۔

اسلام آباد میں اقلیتوں کے قومی دن کی مناسبت سے منعقدہ سیمینار سے خطاب میں چیف جسٹس نے کہا کہ سندھ ہائیکورٹ میں تھا تو اقلیتوں کے بہت سے کیسز سنے۔

انہوں نے کہا کہ ملازمتوں میں اقلیتوں کے 5 فیصد کوٹے پر عمل کرائیں گے۔

چیف جسٹس نے مندر میں توڑ پھوڑ کے واقعے کا از خود نوٹس لے لیا

اعلامیے کے مطابق رمیش کمار نےچیف جسٹس کو رحیم یار خان میں مندر پر حملے سے متعلق آگاہ کیا۔

چیف جسٹس گلزار احمد نے مزید کہا کہ اقلیتوں کے عدالت میں حلف سے متعلق مسائل ہیں تو اٹارنی جنرل حل کریں۔

اُن کا کہنا تھا کہ میرے علم کے مطابق عدالت میں قرآن پر حلف صرف مسلمانوں سے لیا جاتا ہے۔

چیف جسٹس آف پاکستان نے یہ بھی کہا کہ اقلیتوں سے حلف ان کی مذہبی کتاب پر لیا جاتا ہے۔

تازہ ترین