محرم الحرام صبر، استقامت، برداشت، قربانی کا درس دیتا ہے، وزیراعلی جام کمال

وزیراعلیٰ بلوچستان جام کمال کا یوم عاشورہ سے متعلق کہنا ہے کہ  محرم الحرام صبر، استقامت، برداشت اور قربانی کا درس دیتا ہے۔

جام کمال نے اپنے ایک بیان میں کہا ہے کہ آج کا دن یہ احساس دلاتا ہے کہ ہم امام حسینؓ کی مثال سے سبق حاصل کریں، موجودہ وقت میں اتحاد بین المسلمین ناگزیر ہے۔

یوم عاشور پر صدر اور وزیرِ اعظم کے پیغامات

نواسۂ رسول حضرت امام حسین رضی اللّٰہ عنہ کے یومِ شہادت پر صدرِ مملکت ڈاکٹر عارف علوی اور وزیرِ اعظم عمران خان نے اپنے پیغامات جاری کیئے ہیں۔

وزیراعلیٰ بلوچستان نے عالمی وبا کورونا وائرس سے متعلق بات کرتے ہوئے کہا ہے کہ کورونا وائرس کا خطرہ ابھی تک موجود ہے۔

انہوں نے مزید کہا کہ اس وقت احتیاطی تدابیر پر عملدرآمدکی زیادہ ضرورت ہے۔