• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی پولیس نے 48گھنٹوں کے دوران 12ملزموں کو گرفتار کرلیا

میرا شہر
اسلام آباد
22 اگست ، 2021
راولپنڈی (سٹاف رپورٹر) وفاقی پولیس نے گزشتہ 48گھنٹوں کے دوران 12ملزموں کو گرفتار کرکے ان کے قبضہ سے مال مسروقہ اور اسلحہ مع ایمونیشن برآمد کرکے مقدمات درج کرلئے۔ گولڑہ پولیس نے ملزم عقیل احمد کو گرفتار کرکے پسٹل 30بور معہ ایمونیشن برآمد کرلیا۔ آبپارہ پولیس نے ملزم اصغر علی کو گرفتار کرکے آہنی مکہ برآمد کرلیا۔ سبزی منڈی پولیس نے عبدالرزاق اور داد خان کو گرفتار کرکے پسٹل اور موزر آٹو میٹک گن برآمد کرلیا۔ نون پولیس نے ملزم عنایت کے قبضہ سے پسٹل 30بور برآمد کرلیا۔ لوہی بھیر پولیس نے سرکاری ادارے کا افسر ظاہر کرنے والے نعیم درانی کو گرفتار کرلیا۔ مارگلہ پولیس نے چوری کی واردات میں ملوث دو ملزمان سلیمان اور روشن علی کو شالیمار پولیس نے چوری کی واردات میں ملوث چار ملزمان خرم شہزاد، طاہر ولد گلفراز، محمد ذیشان اور محمد واصف کو گرفتار کرکے مال مسروقہ برآمد کرلیا۔ انڈسٹریل ایریا پولیس نے سٹریٹ کرائم میں ملوث ملزم جمیل کو گرفتار کرلیا۔
تازہ ترین