جنید صفدر کی نکاح میں گلوکاری کی ایک اور ویڈیو وائرل

جنید صفدر کے اپنے نکاح میں محمد رفیع کے مقبول ترین گیت ’کیا ہوا تیرا وعدہ‘ گانے کے تو چرچے ہر جانب ہی تھے، اب نکاح کی تقریب میں ہی جنید صفدر کی ایک اور گانا گاتے ویڈیو سامنے آئی ہے۔

جنید صفدر نے نکاح کی تقریب میں اہلیہ کیلئے کونسا گانا گایا؟

مسلم لیگ نون کی نائب صدر مریم نواز کے صاحبزادے جنید صفدر نے لندن کے فائیو اسٹار ہوٹل میں منعقدہ نکاح کی تقریب میں اپنی آواز کا جادو بھی جگایا۔

جنید صفدر کی اپنے نکاح کی تقریب میں گلوکاری کے جوہر دکھاتے ایک اور ویڈیو سوشل میڈیا پر زیر گردش ہے۔

وائرل ویڈیو میں دیکھا جا سکتا ہے کہ مریم نواز کے صاحبزادے جنید صفدر اپنی سُریلی آواز میں محمد رفیع کا ہی گیت  ’لکھے جو خط تجھے‘ گا رہے ہیں۔

نکاح پر گانا اچانک گایا تھا کوئی پلان نہیں تھا، جنید صفدر

مسلم لیگ نون کی نائب صدر مریم نواز کے صاحبزادے جنید صفدر نے انکشاف کیا ہے کہ نکاح کی تقریب میں انہوں نے اچانک گانا گایا ، گانا گانے کا کوئی پلان نہیں تھا۔

واضح رہے کہ جنید صفدر کے نکاح کی تقریب میں اگرچہ گلوکار نوین کندرا کی خدمات بھی حاصل کی گئی تھیں جنہوں نے اپنے گانوں سے سامعین کو مسحور کیا لیکن وہیں جنید نے بھی اپنی سُریلی آواز میں مقبول گانا بھی گایا تھا۔

جنید صفدر کی ماضی میں صوفیانہ کلام پڑھتے ویڈیو وائرل

قائد مسلم لیگ نون اور سابق وزیراعظم میاں محمد نواز شریف کے نواسے جنید صفدر کی گلوکاری کے چرچے ہر جانب ہیں۔

 جنید صفدر نے اپنے نکاح کی تقریب میں محمد رفیع کے گانے ’کیا ہوا تیرا وعدہ ‘ کا ایک مختصر حصہ کمال خوبصورتی اور مہارت سے گایا جس سے حاضرین نے خوب لطف اٹھایا تھا۔

شرمیلا فاروقی نے جنید صفدر کو ’اسٹار‘ قرار دے دیا

پیپلز پارٹی کی رہنما شرمیلا فاروقی نے مسلم لیگ نون کی نائب صدر مریم نواز کے بیٹے جنید صفدر کو اسٹار قرار دے دیا۔

یاد رہے کہ اتوار کو لندن کے مقامی ہوٹل میں جنید صفدر کے نکاح کی تقریب ہوئی جس میں سابق وزیراعظم نواز شریف اور سابق وزیر خزانہ اسحاق ڈار سمیت خاندان کے قریبی افراد شریک ہوئے۔