کابل ایئر پورٹ دھماکوں میں طالبان کا جانی نقصان نہیں ہوا: ذبیح اللّٰہ مجاہد

افغانستان کا کنٹرول سنبھالنے والے طالبان کے ترجمان ذبیح اللّٰہ مجاہد کا کہنا ہے کہ گزشتہ روز دارالحکومت کابل کے ایئر پورٹ پر ہوئے بم دھماکوں میں طالبان کا کوئی جانی نقصان نہیں ہوا۔

یہ بات طالبان کے ترجمان ذبیح اللّٰہ مجاہد نے برطانوی نشریاتی ادارے سے گفتگو کرتے ہوئے کہی ہے۔

کابل ایئر پورٹ پر دھماکے، ہلاکتیں 108 ہوگئیں

پڑوسی ملک افغانستان کے دارالحکومت کابل کے ایئر پورٹ پر گزشتہ روز ہونے والے 3 دھماکوں میں ہلاک ہونے والے افراد کی تعداد 100 سے زائد ہو گئی، جبکہ 150 سے زائد افراد زخمی ہوئے ہیں۔

ترجمان طالبان نے یہ بھی کہا ہے کہ دھماکا اُس علاقے میں ہوا جو امریکی فورسز کے کنٹرول میں ہے۔

واضح رہے کہ اس سے قبل غیرملکی خبر ایجنسی نے طالبان عہدے دار کے حوالے سے کابل ایئر پورٹ دھماکوں میں 28 طالبان کے ہلاک ہونے کی خبر دی تھی۔

کابل دھماکوں میں داعش طالبان گٹھ جوڑ کے شواہد نہیں ملے: جو بائیڈن

امریکا کے صدر جو بائیڈن نے کہا ہے کہ کابل دھماکوں میں داعش اور طالبان کے درمیان گٹھ جوڑ کے کوئی شواہد نہیں ملے۔

واضح رہے کہ پڑوسی ملک افغانستان کے دارالحکومت کابل کے ایئر پورٹ پر گزشتہ روز ہوئے 3 دھماکوں میں ہلاک ہونے والے افراد کی تعداد 108 ہو چکی ہے، جبکہ واقعے میں 150 سے زائد افراد زخمی ہوئے ہیں۔