• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا نکل گیا، نئے افغانستان کی ترقی اب چین کے ہاتھ میں ہے، طالبان


 افغان طالبان کے ترجمان ذبیح اللّٰہ مجاہد کا کہنا ہے کہ امریکا نکل گیا، نئے افغانستان کی ترقی اب چین کے ہاتھ میں ہے۔

چین اور افغانستان  کے حوالے سے افغان طالبان نے دو ٹوک اعلان کردیا۔

 اطالوی میڈیا سے گفتگو میں طالبان ترجمان ذبیح اللّٰہ مجاہد نے کہا کہ افغانستان کا مستقبل چین کے ہاتھ میں ہے، نیا افغانستان اپنی معیشت کی بحالی اور تعمیرِ نو کے لیے چین کی مدد لے گا۔

ذبیح اللّٰہ مجاہد کا کہنا ہے کہ ون بیلٹ ون روڈ خطے سے گزرنے والے سلک روڈ کی بحالی کا سنگِ میل ہے، تانبے کے وافر ذخائر چینی دوستوں کی مدد سے افغانستان کی ترقی کے لیے استعمال کیے جائیں گے۔

 طالبان کے ترجمان نے واضح طور پر کہا کہ خواتین افغان معاشرے کی ناقابل تسخیر ہیرو ہیں، خواتین تمام شعبہ ہائے زندگی میں اہم کردار ادا کرسکتی ہیں، یونیورسٹیز میں خواتین کے تعلیم حاصل کرنے پر کوئی روک ٹوک نہیں ہوگی۔

انہوں نے کہا کہ خواتین شرعی حدود میں رہتے ہوئے سرکاری محکموں میں کردار ادا کرسکیں گی، تاہم آنے والی حکومت میں خواتین کی بطور وزیر تقرری خارج از امکان ہے۔

بین الاقوامی خبریں سے مزید