فضل الرحمٰن نے حکومتی بل کو میڈیا ڈنڈا اتھارٹی قانون کہہ دیا

اپوزیشن اتحاد (پی ڈی ایم) کے سربراہ مولانا فضل الرحمٰن نے پی ایم ڈی اے کو میڈیا ڈنڈا اتھارٹی قانون کہہ دیا۔

پارلیمنٹ ہاؤس کے باہر صحافیوں کے دھرنے سے خطاب میں فضل الرحمٰن نے کہاکہ یہ میڈیا ڈیولپمنٹ اتھارٹی نہیں میڈیا ڈنڈا اتھارٹی ہے۔

انہوں نے کہاکہ جہاں آمرانہ حکومت ہوتی ہے وہاں میڈیا کا گلا دبایا جاتا ہے، ہم میڈیا کے شانہ بشانہ رہیں گے۔

صحافیوں کے دھرنے میں نواز شریف کے حکم پر آیا ہوں، شہباز شریف

اپوزیشن جماعت مسلم لیگ(ن) کے صدر اور قائد حزب اختلاف شہباز شریف صحافیوں سے اظہار یکجہتی کے دھرنے میں پہنچ گئے۔

پی ڈی ایم سربراہ نے مزید کہا کہ ہم سب میڈیا کی آزادی پر متفق ہیں، آئین سے متصادم قوانین منظور نہیں ہونے دیں گے۔

اُن کا کہنا تھا کہ کالے قانون کی تجویز منظر عام پر آ چکی ہے، جسے میڈیا ڈیولپمنٹ اتھارٹی کہا جارہا ہے، میں کہتا ہوں یہ میڈیا ڈنڈا اتھارٹی ہے۔

صدر عارف علوی پارلیمان کی پریس گیلری خالی دیکھ کر حیران رہ گئے

صدر مملکت ڈاکٹر عارف علوی نے اپنے خطاب میں میڈیا کی خدمات پر اُن کا شکریہ ادا کیا۔

مولانا فضل الرحمٰن نے یہ بھی کہا کہ جہاں جمہوریت ہوتی ہے وہاں آزادانہ صحافت ہوتی ہے، جہاں آمرانہ حکومت ہوتی ہے وہاں میڈیا کا گلا دبایا جاتا ہے۔

انہوں نے کہا کہ اسمبلی میں بہت سے پاکستان کے آئین سے متصادم قوانین آرہے ہیں، ہم ان قوانین کو منظور نہیں ہونے دیں گے۔

پی ایف یو جے کا پارلیمنٹ ہاؤس کے سامنے 2 دن سے جاری دھرنا ختم

پاکستان فیڈرل یونین آف جرنلسٹ (پی ایف یو جے) نے پارلیمنٹ ہاؤس کے سامنے2 دن سے جاری دھرنا ختم کردیا۔

پی ڈی ایم سربراہ نے کہا کہ ہزاروں ملازمین کو نکال کر عدالتی احکامات کا قتل کیا گیا ہے، ہزار اختلاف کے باوجود ملک میں بہت چیزیں مشترک ہوتی ہیں۔

اُن کا کہنا تھا کہ جمہوریت کی علمبردار سیاست میڈیا کی آزادی کے حق میں ہوتی ہے، ہم سب میڈیا کی آزادی پر متفق ہیں۔