فرمان الہی
نماز کے اوقات
قومی ایئر لائن نے لاہور سے بھی لندن کے لیے فضائی آپریشن شروع کرنے کا اعلان کر دیا۔
اس حوالے سے ترجمان قومی ایئر لائن کا کہنا ہے کہ پہلی پرواز پی کے 757، 30 مارچ کو لاہور سے لندن روانہ ہو گی۔ لاہور سے لندن کے لیے پروازیں ہیتھرو ایئر پورٹ کے ٹرمینل 4 پر لینڈ کریں گی۔
ترجمان نے کہا کہ 6 سال کے وقفے کے بعد پروازوں کا آغاز کیا جا رہا ہے، لندن قومی ایئر لائن کے نیٹ ورک کے ابتدائی بین الاقوامی روٹس میں شامل ہے۔
انہوں نے کہا کہ پروازوں کی شروعات سے برطانیہ کے لیے قومی ایئر لائن کی پروازوں کی ہفتہ وار تعداد 7 ہو جائے گی، پابندی سے قبل قومی ایئر لائن پاکستان سے لندن کے لیے ہفتہ وار 10 پروازیں چلا رہی تھی۔
ان کا کہنا تھا کہ لندن کے لیے پروازوں میں بتدریج اضافہ کیا جائے گا، قومی ایئر لائن پہلے ہی اسلام آباد سے لندن کے لیے ہفتہ وار 3 پروازوں کا اعلان کر چکی ہے۔
ترجمان قومی ایئر لائن نے کہا کہ اسلام آباد سے لندن کی پروازیں 29 مارچ سے شروع ہوں گی۔
