• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا پہنچتے ہی عمر شریف کا علاج شروع ہو جائے گا، ڈاکٹر طارق شہاب

تازہ ترین
انٹرٹینمنٹ
14 ستمبر ، 2021


واشنگٹن میں پاکستانی امریکن ڈاکٹر طارق شہاب کا کہنا ہے کہ عمر شریف کے پہنچتے ہی علاج شروع ہو جائے گا۔

ڈاکٹر طارق شہاب نے جیو نیوز سے گفتگو کرتے ہوئے بتایا کہ لیجنڈری عمر شریف کے علاج میں ایک ہفتہ لگے گا۔

انہوں نے کہا کہ عمر شریف کو مکمل صحت یاب ہونےمیں تھوڑا وقت لگے گا۔

اس سے قبل یہ بات سامنے آئی تھی کہ سندھ حکومت نے علیل معروف کامیڈین عمر شریف کو امریکا لے جانے کے لیے ایئر ایمبولینس کا بندوبست کر دیا ہے، ایڈمنسٹریٹر کراچی مرتضیٰ وہاب نے بھی اس حوالے سے یقین دہانی کرا دی ہے۔

بہت جلد عمر شریف کو ویزا جاری ہو جائے گا: شہباز گِل

وزیراعظم عمران خان کے معاونِ خصوصی برائے سیاسی روابط ڈاکٹر شہباز گِل کا کہنا ہے کہ بہت جلد اداکار عمرشریف کو ویزا جاری ہو جائے گا۔

عمر شریف ایئر ایمبولینس میں امریکی دارالحکومت واشنگٹن جائیں گے، ان کے بیٹے جواد نے والد کی صحت یابی کے لیے دعائیں اور علاج کے اقدامات کرنے پر تمام لوگوں کا شکریہ ادا کیا۔

واضح رہے کہ لیجنڈری اداکار و کامیڈین عمر شریف کافی عرصے سے دل کی تکلیف کے ساتھ دیگر شکایتوں میں بھی مبتلا ہیں جبکہ ان کی یادداشت بھی کمزور ہو گئی ہے۔

گزشتہ کئی دنوں سے سوشل میڈیا پر ان کی تشویش ناک حالت کے حوالے سے خبریں گردش کر رہی ہیں۔

تازہ ترین