منال خان کی والدہ کو ’مینو‘ کی یاد ستانے لگی

گزشتہ دنوں پیا گھر سُدھارنے والی پاکستانی معروف اداکارہ منال خان کی والدہ کو بیٹی کی یاد ستانے لگی ہے۔

منال خان کی والدہ عظمیٰ مبین کی جانب سے سوشل میڈیا اکاؤنٹ انسٹا گرام پر اپنی نو بیاہتا بیٹی منال خان کے ہمراہ ایک تصویر شیئر کی گئی ہے۔

منال خان کی شادی پر ایمن خان بے حال

پاکستان شوبز انڈسٹری کی خوبرو اداکارہ ایمن خان آج کل اپنی جڑواں بہن منال خان کی شادی پر کافی مصروف اور انجوائے کرتے ہوئے نظر آ رہی ہیں۔

یہ تصویر منال خان کے ولیمے کی تقریب کے دوران بنائی گئی جو ہزاروں تصویروں میں سے ایک خوبصورت تصویر ہے۔

تصویر میں منال خان کی والدہ عظمیٰ مبین محبت اور شفقت سے منال کا ماتھا چوم رہی ہیں جبکہ منال کے چہرے پر خوشی اور اطمینان دیکھا جا سکتا ہے ۔

منال خان کی والدہ عظمیٰ مبین کا اپنی پوسٹ کے کیپشن میں لکھنا ہے کہ ’میں تمہیں بہت یاد کر رہی ہوں مینو۔‘

واضح رہے کہ منال خان رواں ماہ کی 10 تاریخ کو اپنے قریبی دوست، سابق اداکار احسن محسن اکرام کے ساتھ رشتہ ازدواج میں بندھ چکی ہیں۔