• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم عمران خان کی سابقہ اہلیہ اور برطانوی پروڈیوسر جمائما گولڈ اسمتھ نے لندن سے ہی لاہور کے سیٹ پر واپسی کرلی۔

جمائما گولڈ اسمتھ نے فوٹو اینڈ ویڈیو شیئرنگ ایپ انسٹاگرام پر ایک نئی پوسٹ شیئر کی جس میں سے پہلی تصویر میں جمائما کو ایک کیمرہ اسکرین سامنے بیٹھے ہوئے دیکھا جاسکتا ہے۔


اس تصویر میں جمائما اسکرین کی طرف دیکھ رہی ہیں جبکہ اُن کا چہرہ نظر نہیں آرہا۔

تصویر میں پاکستان کے شہر لاہور کا بازار نظر آرہا ہے جس کی اُن کی آنے والی فلم کے لیے عکس بندی کی جارہی ہے۔

اگلی تصویر میں لاہور کے بازار کو دِکھایا گیا جوکہ وہ اپنی فلم میں دکھائیں گی۔

جمائما گولڈ اسمتھ لندن میں اپنی فلم کے سیٹ پر موجود ہیں اور وہاں سے آن لائن لاہور کا بازار دیکھ رہی ہیں۔

اپنی پوسٹ کے کیپشن میں جمائما نے لکھا کہ ’مغربی لندن سے لاہور کے سیٹ پر اُن کی واپسی ہوگئی ہے۔‘

خیال رہے کہ جمائما نے اعلان کیا تھا کہ وہ جلد ہی فلم بنانے کا ارادہ رکھتی ہیں جس کی شُوٹنگ کا آغاز ہوگیا ہے۔

فلم کی کہانی کا موضوع متوقع طور پر محبت اور شادی سے متعلق ہوگا جو لندن اور جنوبی ایشیا کے مابین ہوگا۔

ایک رپورٹ کے مطابق فلم میں پاکستانی اداکارہ سجل بھی مرکزی کردار ادا کرتے دکھائی دیں گی۔

اس فلم کی اسکرپٹ رائٹر اور پروڈیوسر جمائما خان ہیں اور وہ اپنے پروڈکشن ہاؤس کے بینر تلے اسے بنائیں گی جبکہ اس پراجیکٹ کے ساتھ بالی ووڈ ڈائریکٹر شیکھر کپور کی انڈسٹری میں واپسی ہوگی۔

انٹرٹینمنٹ سے مزید