کراچی میں ہواؤں کیساتھ موسلا دھار بارش

ملک کے سب سے بڑے شہر کراچی کو سیاہ رنگ کے بادلوں نے اپنے نرغے میں لے لیا اور شہر بھر میں تیز ہواؤں کے ساتھ موسلا دھار بارش شروع ہو گئی۔

کراچی میں ملیر ہالٹ، رفاہِ عام اور دیگر علاقوں میں تیز بارش شروع ہوئی، جس کے بعد کورنگی سنگر چورنگی، گلشنِ اقبال، گلستانِ جوہر، گلشنِ معمار، نارتھ کراچی، نیو کراچی، ناگن چورنگی، مسلم ٹاؤن، نارتھ ناظم آباد، ناظم آباد اور شہر کے دیگر علاقوں میں بھی بادل زور و شور سے برسنے لگے، بارش ہونے سے شہر کا موسم خوش گوار ہو گیا۔

محکمۂ موسمیات کے ڈائریکٹر سردار سرفراز نے پہلے ہی پیش گوئی کی ہے کہ کراچی میں آج دوپہر سے تھنڈر سیلز بننے کا سلسلہ شروع ہوگا جس سے شہر میں آج دوپہر یا شام میں ہلکی سے معتدل بارش ہو سکتی ہے۔

کراچی: دوپہر میں تھنڈر سیلز بننے سے بارش کا امکان

محکمۂ موسمیات کے ڈائریکٹر سردار سرفراز کا کہنا ہے کہ ملک اور صوبہ سندھ کے سب سے بڑے شہر کراچی میں آج دوپہر سے تھنڈر سیلز بننے کا سلسلہ شروع ہو سکتا ہے۔

انہوں نے بتایا ہے کہ مون سون کے سسٹم کے باعث تھر پارکر اور اطراف میں بارش ہوئی ہے۔

ڈائریکٹر محکمۂ موسمیات نے کہا ہے کہ وسطی بھارت اور راجستھان میں 2 سسٹم موجود ہیں، ایک اور سسٹم خلیج بنگال میں بن چکا ہے۔

سردار سرفراز کا کہنا ہے کہ خلیجِ بنگال کے سسٹم کے باعث 27 ستمبر کو بھی کراچی میں بارش کا امکان ہے۔

کراچی میں آج بھی ہلکی بارش کا امکان

گزشتہ روز ہونے والی بارش کے بعد ملیر ندی بھر گئی، ولایت شاہ مزار سے مرتضیٰ چورنگی تک سڑک زیر آب آگئی

محکمۂ موسمیات کے مطابق کراچی میں آج کم سے کم درجۂ حرارت 28 ڈگری سینٹی گریڈ ریکارڈ کیا گیا جبکہ زیادہ سے زیادہ درجۂ حرارت 34 سے 36 ڈگری سینٹی گریڈ کے درمیان بڑھنے کا امکان ہے۔

محکمۂ موسمیات کا یہ بھی کہنا ہے کہ شہر میں شمال مغرب سے ہلکی رفتار سے ہوائیں چل رہی ہیں، جبکہ صبح میں ہوا میں نمی کا تناسب 78 فیصد ریکارڈ کیا گیا۔