صدر مملکت ڈاکٹر عارف علوی نے کہا کہ حکومت خواتین کو با اختیار بنانے کیلئے پر عزم ہے، خواتین کو جائیداد میں حصہ دلانےکیلئے پنجاب حکومت کی قانون سازی خوش آئند ہے۔
لاہور کے مقامی ہوٹل میں سیمینار سے خطاب کرتے ہوئے صدر عارف علوی نے کہا عورت کو جائیداد میں حصہ دینے کے قانون پر مکمل عمل درآمد ہونا چاہیے، یہ نہیں ہونا چاہیے کہ آپ حصہ لینے کیلئے مسلح لوگ لے کر جائیں۔
انہوں نے کہا میں خود بھی ایسے متاثرین میں شامل ہوں مگر قانون کے مطابق حق لینے پر یقین رکھتا ہوں۔
صدر مملکت نے کہا کہ حکومت صنفی امتیاز کی ہر سطح پر حوصلہ شکنی کرتی ہے، کسی کو نہ تو زبردستی حجاب پہنایا جاسکتا ہے اور نہ کسی کا حجاب اتارا جا سکتا ہے۔