فرمان الہی
نماز کے اوقات
بوہری برادری کے روحانی پیشوا اور سربراہ سیدنا مفضل سیف الدین 7 روزہ دورے پر ہفتے کی رات سوا دس بجے کراچی پہنچ گئے۔
کراچی ایئر پورٹ پر گورنر سندھ عمران اسماعیل، وزیراعلیٰ سندھ سید مراد علی شاہ اور دیگر شخصیات نے خاص سرکاری مہمان سیدنا مفضل سیف الدین کا استقبال کیا۔
بوہری برادری کے روحانی پیشوا پاکستان انٹرنیشنل کی چارٹرڈ فلائٹ پی کے 6714 کے ذریعے نیروبی سے کراچی پہنچے۔
انسپکٹر جنرل پولیس سندھ مشتاق مہر، ایڈیشنل آئی جی کراچی عمران یعقوب منہاس اور دیگر پولیس حکام بھی کراچی ایئرپورٹ پر موجود تھے۔
ترجمان کے مطابق سیدنا مفضل سیف الدین اسٹیٹ کے خاص مہمان کے طور پر کراچی میں قیام کریں گے۔
ترجمان کے مطابق بوہری برادری کے سربراہ کو وی وی آئی پی شخصیت کا پروٹوکول دیا جارہا ہے۔
پولیس حکام کے مطابق سیدنا مفضل سیف الدین کیلئے صدر مملکت اور وزیراعظم کی سیکیورٹی کے مساوی حفاظتی انتظامات کیے گئے ہیں۔
پولیس حکام کے مطابق سیدنا مفضل سیف الدین کے دورہ کراچی کے موقع پر سخت ترین حفاظتی انتظامات ہیں۔
