عمرشریف کو امریکا لے جانے والی ایئر ایمبولینس جرمنی پہنچ گئی

مشہور پاکستانی کامیڈین عمر شریف کو علاج کے لیے امریکا لے جانے والی ایئر ایمبولینس جرمنی پہنچ گئی ہے۔

کراچی سے روانگی کے بعد 7 گھنٹے 15 منٹ کے مسلسل سفر کے بعد ایئر ایمبولینس نے نیورم برگ میں پہلا اسٹاپ کیا ہے۔

ایئر ایمبولینس طیارہ اپنے ہوم کنٹری جرمنی میں دو گھنٹے قیام کرے گا۔

عمر شریف کی فلائٹ رسکی ہے، آپ سب دعا کریں، زریں غزل

کامیڈین اداکار عمر شریف کی اہلیہ زریں غزل کا کہنا ہے کہ عمر شریف کی ایئر ایمبولنس کی فلائٹ رسکی ہے ، تمام لوگوں سے دعاؤں کی اپیل ہے۔

ایوی ایشن ذرائع کے مطابق نیورم برگ میں طیارے کی ری فیولنگ کی جارہی ہے اور طیارے کے انجن کو ریسٹ دیا جائے گا۔

ذرائع کے مطابق دو گھنٹے کے قیام کے بعد طیارہ اگلی منزل آئس لینڈ کے لیے روانہ ہوجائے گا۔

جرمنی سے روانگی کے بعد ائیر ایمبولینس آئس لینڈ کے کیفلاوک ایئر پورٹ پر ری فیولنگ کرے گی۔

عمر شریف کی طبیعت میں معمولی بہتری آئی ہے، جواد عمر

ملک کے معروف لیجنڈری کامیڈین اور اداکار عمر شریف کے بیٹے جواد عمر کا کہنا ہے کہ گزشتہ روز کے مقابلے میں والد کی طبیعت میں بہتری آئی ہے، بیرون ملک سفرسے متعلق ابھی کچھ نہیں کہہ سکتے۔

آن کال انٹرنیشنل کمپنی کے ہیڈ کوارٹر کینیڈا میں گوس بے پر بھی طیارے کا 2 گھنٹے کا اسٹاپ ہوگا۔

اگلے اور آخری مرحلے میںں پرواز حتمی منزل واشنگٹن ڈی سی ایئر پورٹ پر لینڈ کرے گی۔

ایئر ایمبولینس سے عمر شریف کو امریکا کے جارج واشنگٹن یونیورسٹی اسپتال منتقل کیا جائے گا۔