• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمر شریف علاج کیلئے ایئر ایمبولنس میں امریکا روانہ

افضل ندیم ڈوگر
تازہ ترین
انٹرٹینمنٹ
28 ستمبر ، 2021


 پاکستان کے مشہور  کامیڈین اداکار عمر شریف کو علاج کے لیے ایئر ایمبولنس میں امریکا روانہ کر دیا گیا ہے، ان کی اہلیہ زریں غزل بھی ایئر ایمبولنس میں ان کے ہمراہ گئی ہیں۔

اداکار عمر شریف عارضہ قلب اور دیگر مختلف بیماریوں میں مبتلا ہیں، وہ گزشتہ کئی ہفتوں تک کراچی کے نجی اسپتال میں زیر علاج رہے، ان کے علاج کے لیے سندھ حکومت کی جانب سے چار کروڑ روپے کی خطیر رقم جاری کی گئی۔

اہلیہ کا عمر شریف سے کیے وعدے پورے کرنے کا عزم

لیجنڈری اداکار عمر شریف کی اہلیہ زرین عمر نے وعدہ کیا ہے کہ وہ اپنے شوہر کی صحتیابی کے لے ہر ممکن کوشش کریں گی۔

عمر شریف کو آج صبح ایمبولینس میں کراچی کے نجی اسپتال سے کراچی ایئرپورٹ کے جناح ٹرمینل پہنچایا گیا، مریض کی اسپتال سے منتقلی کے لیے ایمبولینس کی میڈیکل ٹیم بھی ساتھ موجود تھی۔

عمر شریف اسپتال سے ڈسچارج، ایئر ایمبولینس تک پہنچا دیا گیا

لیجنڈری کامیڈین و اداکار عمر شریف کو طبیعت سنبھلنے پر پرائیویٹ وارڈ سے ڈسچارج کردیا گیا ہے۔

عمر شریف کو علاج کے لیے امریکی دارالحکومت واشنگٹن پہنچایا جا رہا ہے، جہاں معروف پاکستانی اداکارہ ریما خان کے شوہر اور ماہر امراض قلب ڈاکٹر طارق شہاب نے ان کے علاج کے لیے جارج واشنگٹن یونیورسٹی اسپتال میں انتظامات کر رکھے ہیں۔

عمر شریف کی نجی تصاویر کا وائرل ہونا افسوسناک ہے، اہلیہ زرین عمر

کامیڈین عمر شریف کی اہلیہ زرین عمر کا کہنا ہے کہ عمر شریف کی اسپتال سے نجی تصاویر سوشل میڈیا پر وائرل ہوتے دیکھنا افسوسناک ہے۔

عمر شریف کی امریکا منتقلی اور اہل خانہ کے ویزوں کے لیے بھی ڈاکٹر طارق شہاب نے ہی تگ و دو کی تھی۔

عمر شریف کو لینے کے لیے ایئر ایمبولنس پیر کی دوپہر منیلا سے پاکستان پہنچی تھی۔ ایئر ایمبولنس کی پرواز ائی ایف اے 1264 نے کراچی کے جناح انٹرنیشنل ایئرپورٹ سے ٹیک آف کیا۔

شوہر عمر شریف کو امریکا لانے کیلئے کوشاں ہیں، ریما خان

ماضی کی فلم اسٹار ریما خان کا کہنا ہے کہ ان کے شوہر...

ایئر ایمبولینس طیارہ تین مختلف ملکوں میں اسٹاف اوور کرتے ہوئے امریکا پہنچے گا۔

تازہ ترین