صوبائی وزیر برائے انڈسٹریز عبدالکریم خان نے کہا ہے کہ انڈسٹریل اسٹیٹ تعمیر ہونے کے بعد چترال کی تقدیر بدل جائے گی۔ اس سلسلے میں چترال میں ماربل پہاڑوں کے درمیان کشادہ جگہ کا انتخاب کیا گیا ہے۔
چترال پریس کلب میں کانفرنس کرتے ہوئے صوبائی وزیر برائے انڈسٹریز عبدالکریم خان نے کہا کہ انڈسٹریل سٹی قائم ہونے سے جہاں مقامی کارخانہ داروں کو ترقی کے مواقع میسر آسکیں گے وہیں مقامی ہنر مند اور بیروزگار نو جوانوں کو بہتر روزگار کے مواقع بھی ملیں گے ۔
ماربل اسٹیٹ کے سلسلے میں صوبائی وزیر نے جگہ کا انتخاب کرنے کے لئے علاقہ گنگ کا دورہ کیا ۔
اس موقع پر انہوں نے کہا کہ ملکی سرمایہ کاروں کے علاوہ غیر ملکی سرمایہ کاروں کو دعوت دی جائے گی کہ وہ بھی یہاں سرمایہ کاری کریں۔
فرمان الہی
نماز کے اوقات
