فرمان الہی
نماز کے اوقات
جنگ اور جیو گروپ کے بانی میر خلیل الرحمٰن مرحوم کی اہلیہ محمودہ خلیل الرحمٰن کے انتقال پر سیاسی شخصیات کی جانب سے اظہارِ تعزیت کا سلسلہ جاری ہے۔
وفاقی وزیر برائے اطلاعات و نشریات فواد چوہدری، وزیر داخلہ شیخ رشید، عمران خان کے معاونِ خصوصی برائے سیاسی روابط شہباز گِل و دیگر پی ٹی آئی رہنماؤں کی جانب سے تعزیتی پیغامات شیئر کیے جارہے ہیں۔
فواد چوہدری:
فواد چوہدری نے میرشکیل الرحمٰن کی والدہ کےانتقال پر افسوس کا اظہار کرتے ہوئے کہا کہ جنگ گروپ کی تشکیل، اوج کمال تک پہنچانے میں مرحومہ کا کردار بہت اہم رہا۔
انہوں نے کہا کہ اللہ تعالیٰ مرحومہ کی مغفرت فرمائے اور میر فیملی کو صبر جمیل عطا کرے۔
شیخ رشید احمد:
وفاقی وزیرداخلہ شیخ رشید احمد نے میرشکیل الرحمٰن کی والدہ کے انتقال پر افسوس کا اظہار کیا۔
عثمان بزدار:
وزیراعلیٰ پنجاب عثمان بزدار نے سوگوار خاندان سے اظہار تعزیت کیا اور پسماندگان کےلیے صبر وجمیل کی دعا کی۔
شہباز گل:
شہباز گل نے اپنے پیغام میں کہا کہ اللہ تعالیٰ مرحومہ کی مغفرت فرمائے اور پسماندگان کو صبر عطا کرے۔
فردوس عاشق اعوان:
فردوس عاشق اعوان نے میرشکیل الرحمٰن کی والدہ کے انتقال پرافسوس کا اظہار کرتے ہوئے کہا کہ غم کی اس گھڑی میں پسماندگان کے دکھ میں برابر کی شریک ہوں۔
فیاض الحسن چوہان:
ترجمان پنجاب حکومت فیاض الحسن چوہان نے بھی مرحومہ کے بلند درجات کیلئے دعا کی۔
