فرمان الہی
نماز کے اوقات
جنگل کے بادشاہ شیر کے مردانہ ٹوائلٹ سے نکلنے کی ویڈیو نے لوگوں کو منفرد ردعمل دینے پر مجبور کردیا۔
ہوا کچھ یوں ایک سفاری کے دوران لوگوں نے غیرمعمولی جگہ پر شیر کو دیکھ کر حیرت کے ساتھ خوشی کا اظہار کیا۔
ویڈیو میں دیکھاجاسکتا ہے کہ شیر جنگل کے قریب واقع ایک پبلک ٹوائلٹ سے نکل رہا ہے، اس ویڈیو نے ہر دیکھنے والے کو حیران کردیا۔
بھارتی جنگلی حیات سے متعلق این جی او نے سوشل میڈیا پر ایک ویڈیو شیئر کی تو لوگوں نے اس پر دلچسپ تبصرے کیے۔
ویڈیو کے ساتھ درج کیپشن میں بتایا گیا کہ ’ٹوائلٹ ہمیشہ انسانوں کے لیے محفوظ و قابل بھروسہ نہیں، کبھی کبھی اسے دوسرے بھی استعمال کرسکتے ہیں‘۔
ویڈیو کا آغاز ٹوائلٹ دکھانے سے ہوتا ہے، کچھ ہی لمحوں بعد شیر وہاں سے نکل کر ارد گرد کا جائزہ لیتا اور پھر قریبی جنگل کی طرف چلا جاتا ہے۔
پس منظر میں ویڈیو ریکارڈ کرنے والوں کے درمیان کی گفتگو بھی سنی جاسکتی ہے، ان میں سے ایک کہتا ہے، یہ واقعہ خوفناک ہونے کے ساتھ ساتھ دلچسپ بھی ہے۔
ویڈیو شیئر ہونے کے بعد وائرل ہوگئی، اس پر کئی لوگوں نے دلچسپ تبصرے کیے، اس ویڈیو کو کئی اور سوشل میڈیا پلیٹ فارم سے بھی شیئر کیا گیا ہے۔
ایک صارف نے کہا کہ واضح رہے یہ ٹوائلٹ جنگلی حیات کے لیے بنایا گیا ہے، دیکھ لیں کس طرح جنگل کا بادشاہ اس سے نکل رہا ہے۔
