منال خان کے لباس پر تنقید، احسن محسن نے صارف کو کھری کھری سُنا دیں

احسن محسن اکرام نے اپنی اہلیہ اور اداکارہ منال خان کے مغربی طرز کے لباس پہننے پر تنقید کرنے والی ایک انسٹا صارف کو کرارا جواب دے کر چپ کروا دیا۔

حال ہی میں شادی کرنے والی شوبز انڈسٹری کی معروف جوڑی منال خان اور احسن محسن اکرام اپنے ہنی مون کی خوبصورت تصاویر اپنے مداحوں کے ساتھ سوشل میڈیا پر شیئر کر رہے ہیں جس پر انہیں تنقید کا سامنا بھی ہے۔

منال اور احسن کا انڈر واٹر لنچ

حال ہی میں شادی کرنے والی شوبز انڈسٹری کی معروف،...

ناجیہ نامی انسٹا صارف نے منال خان کے لباس پر تنقید کرتے ہوئے لکھا کہ ’ پنچ اپنے آپ کو کرو جو بیوی اتنے بے شرموں والے کپڑے پہن رہی ہے اور تم اسے کچھ کہہ بھی نہیں سکتے ہو۔‘

احسن نے اس صارف کو جواب دیتے ہوئے لکھا کہ ’ معذرت کیساتھ آپ کی غلط فہمی دور کردوں۔‘

منال اور احسن نے ہنی مون کیلئے کس جگہ کا انتخاب کیا؟

حال ہی میں شادی کرنے والی شوبز انڈسٹری کی معروف جوڑی منال خان اور احسن محسن اکرام نے ہنی مون کے لیے مالدیپ کا انتخاب کیا۔

انہوں نے مزید لکھا کہ ’ان کا خواب ایک آزاد خیال پاکستان کا ہے، جہاں خواتین کو اپنے فیصلے کرنے کی اجازت ہو، اور انہیں ان کے شوہر، باپ اور بھائی اپنے قابو میں نہ رکھتے ہوں۔‘

آخر میں اداکار نے لکھا کہ ’ان کا کام رہنمائی کرنا ہے، حکمرانی کرنا نہیں ہے۔‘

احسن محسن کی انسٹا صارف کے ساتھ ہونے والی اس مختصر گفتگو کا اسکرین شوٹ مختلف سوشل میڈیا پیجز پر وائرل ہورہا ہے۔