شاہ رخ خان اور گوری کا درد محسوس کرسکتا ہوں: شیکھر سمن

بالی ووڈ اداکار شیکھر سمن نے کہا ہے کہ وہ شاہ رخ خان اور اُن کی اہلیہ کا درد محسوس کرسکتے ہیں کیونکہ ماضی میں وہ بھی اولاد کی تکلیف کو برداشت کرچکے ہیں۔

شیکھر سمن نے شاہ رخ خان اور اُن کی فیملی کو سپورٹ کرنے کے لیے مائیکرو بلاگنگ سائٹ ٹوئٹر کا رُخ کیا جہاں اُنہوں نے بالی ووڈ ہیرو کے لیے خصوصی پیغامات جاری کیے۔

اداکار نے اپنے ٹوئٹ میں لکھا کہ ’میرا دل شاہ رخ خان اور گوری خان کے لیے بہت افسردگی کا اظہار کررہا ہے۔‘

اُنہوں نے لکھا کہ’بطورِ والدین، میں یہ سمجھ سکتا ہوں کہ اس وقت شاہ رخ خان اور گوری کس مشکل گھڑی سے گُزر رہے ہیں کیونکہ والدین کے لیے اولاد کا دُکھ اور تکلیف برداشت کرنا آسان نہیں ہے۔‘

شیکھر سمن نے اپنے اگلے ٹوئٹ میں اپنے ماضی کا وہ مشکل وقت یاد کیا کہ جب شاہ رخ خان نے اُن کا ساتھ اور حوصلہ دیا تھا۔

اداکار نے انکشاف کیا کہ ’جب میں نے اپنے 11 سالہ بیٹے آیوش کو کھویا تو شاہ رخ خان واحد اداکار تھے جو فلم سٹی کی شوٹنگ کے دوران ذاتی طور پر میرے پاس آئے، مجھے گلے لگایا اور تعزیت کی۔‘

اُنہوں نے مزید کہا کہ ’بطورِ باپ، مجھے بھی شاہ رخ خان کی تکلیف محسوس ہو رہی ہے اور اس آزمائشی وقت میں میری سپورٹ شاہ رخ خان اور اہلخانہ کے ساتھ ہے۔‘

منشیات کیس: بھارتی فلمساز امتیاز کھتری کے گھر اور آفس پر چھاپہ

ممبئی کروز شِپ منشیات برآمدگی کیس میں نارکوٹکس کنٹرول بیورو (این سی بی) کی جانب سے بھارتی فلمساز امتیاز کھتری کے گھر اور آفس پر چھاپہ مارا گیا ہے۔

واضح رہے کہ بالی ووڈ کے کنگ خان شاہ رخ کے بیٹے آریان خان کی ضمانت کے لیے دوسری درخواست دائر کردی گئی۔

آریان خان کی پہلی درخواست ضمانت مسترد ہونے کے بعد گزشتہ روز سیشن کورٹ میں دوسری درخواست ضمانت دائر کی گئی ہے۔

خیال رہے کہ ایک ہفتے قبل نارکوٹکس کنٹرول بیورو (این سی بی) نے ایک کروز پر پارٹی کے دوران چھاپہ مارا تھا اور آریان خان سمیت 18 افرد کو حراست میں لیا تھا۔

شیر کی طرح لڑو، گیدڑ کی طرح بچے کا شکار نہ کرو: راکھی ساونت کا آریان خان سے متعلق بیان

بھارتی متنازع اداکارہ راکھی ساونت نے بالی ووڈ کنگ شاہ رخ خان کے بیٹے آریان خان کی گرفتاری پر اپنا ردّعمل دیا ہے۔

این سی بی کا دعویٰ تھا کہ چھاپے کے دوران 13گرام کوکین،21 گرام چرس، ایم ڈی ایم اے کی 22 گولیاں، ایم ڈی 5 گرام اور ایک لاکھ 33 ہزار روپے کی نقد رقم تحویل میں لی گئی۔

این سی بی کے چھاپے میں پکڑے گئے افراد میں آریان خان کے قریبی دوست ارباز مرچنٹ، نوپور سریکا، اسمیت سنگھ، موہک جسوال، وکرانت چھوکر اور گومیت چوپڑا و دیگر شامل ہیں۔