-
فرمان الہی
-
نماز کے اوقات
- پیر 20؍شوال المکرم 1445ھ 29؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
سابق چیمپئن محمد سجاد نے 46ویں قومی اسنوکر چیمپئن شپ جیت لی، ایونٹ کا فائنل جیو سوپر سے براہ راست نشر کیا گیا۔
16 سالہ احسن رمضان ٹائٹل تو نہ جیت سکے لیکن فائنل میں شاندار کھیل سے شائقین کے دل جیت لئے۔
کراچی میں جاری نیشنل اسنوکر چیمپئن شپ کا فائنل سابق چیمپئن محمد سجاد اور نوجوان 16 سالہ کیوئسٹ احسن رمضان کے درمیان کھیلا گیا۔
13 فریم پر مشتمل فائنل ایک موقع پر 6-6 فریم سے برابر ہوگیا تھا، لیکن آخری فریم میں محمد سجاد نے تجربے کا فائدہ اٹھایا اور صرف 12 پوائنٹس کے فرق سے ٹائٹل جیت لیا۔
محمد سجاد نے احسن رمضان کو فائنل میں شکست دے کر چوتھی بار نیشنل چیمپئن ہونے کا اعزاز حاصل کیا۔
چیمپئن شپ میں مجموعی طور پر21 سنچری بریک کھیلی گئی، ریکارڈ 147 کا بریک کھیلنے پر محمد سجاد کو 50 ہزار کا کیش ایوارڈ دیا گیا۔
46ویں قومی اسنوکر چیمپئن شپ کے فائنلسٹ کیوئسٹ ورلڈ چیمپین شپ میں شرکت کریں گے۔
اختتامی تقریب میں فاتح کیوئسٹ کو 1 لاکھ اور رنرز اپ احسن رمضان کو 50 ہزار روپے کی انعامی رقم دی گئی۔
