سلمان خان نے شاہ رخ خان کیساتھ دوستی کا حق ادا کردیا

بالی ووڈ کے چُل بُل پانڈے سلمان خان نے شاہ رخ خان کے اس مشکل وقت میں اُن کا ساتھ دے کر دوستی کی نئی مثال قائم کرتے ہوئے اپنا حق ادا کردیا ہے۔

بالی ووڈ کنگ شاہ رخ خان اور اُن کی فیملی، اس وقت ایک مشکل وقت سے گُزر رہی ہے کیونکہ اداکار کے بڑے بیٹے آریان خان کو منشیات کیس میں گرفتار کیا ہوا ہے، ایسے میں سلمان خان وہ واحد اداکار ہیں جو شاہ رخ خان کا بھرپور طریقے سے ساتھ دے رہے ہیں۔

بھارتی میڈیا رپورٹس کے مطابق آریان خان کی گرفتاری کے بعد سے اب تک سلمان خان تین بار شاہ رخ خان کے گھر کا دورہ کرچکے ہیں۔

میری فیملی کے مشکل وقت میں سلمان خان ساتھ دیں گے: شاہ رخ خان

بالی ووڈ کنگ شاہ رخ خان کے اس مشکل وقت میں سوشل میڈیا پر اُن کی ایک پُرانی ویڈیو وائرل ہورہی ہے جس میں اُنہیں کہتے ہوئے دیکھا جاسکتا ہے کہ وہ ہمیشہ سلمان خان پر بھروسہ کر سکتے ہیں کہ وہ مصیبت کے وقت ان کے اور ان کے خاندان کے ساتھ ہوں۔

سلمان خان، شاہ رخ خان کے بیٹے کی رہائی کے لیے ہرمکمن کوشش کررہے ہیں، پھر چاہے وکیل کی مدد ہو یا پھر اداکار کے گھر جاکر اُنہیں حوصلہ دینا ہو۔

میڈیا رپورٹس کے مطابق گزشتہ روز سلمان خان کو شاہ رخ خان کے گھر جاتے ہوئے دیکھا گیا جبکہ سلمان خان کی بہن بھی گوری خان کو ہمت دینے کے لیے اُن کے گھر گئیں۔

یہی نہیں اس سے قبل سلمان خان کے والد اور بالی ووڈ پروڈیوسر سلیم خان نے بھی شاہ رخ خان سے ملاقات کی اور اُنہیں اس مشکل گھڑی میں ہمت دی۔

آریان کی بھکاری بچوں کی مدد کرتے ویڈیو وائرل

ممبئی کروز شِپ منشیات کیس میں گرفتار بالی ووڈ کنگ شاہ رخ خان کے بیٹے آریان خان کی فقیر بچوں کی مدد کرتے ہوئے ویڈیو وائرل ہوگئی۔

خیال رہے کہ گزشتہ روز شاہ رخ خان کے بیٹے آریان خان کی منشیات کیس میں درخواست ضمانت آج (جمعرات) تک کے لیے ملتوی کردی گئی تھی۔

عدالت کی جانب سے کیس کی سماعت ملتوی کرنے کی وجہ یہ تھی کہ نارکوٹکس کنٹرول بیورو کے وکیل اے ایس جی انیل کمار سنگھ کی جانب سے بدھ کی شام ساڑھے پانچ بجے تک دلائل مکمل نہیں کیے جاسکے تھے۔

آریان خان کورونا ٹیسٹ منفی آنے کے بعد کامن سیل منتقل

ممبئی کروز شپ منشیات کیس میں بالی ووڈ کنگ شاہ رخ خان کے بیٹے آریان خان کو کورونا ٹیسٹ منفی آنے کے بعد کامن سیل منتقل کردیا گیا ہے۔

واضح رہے کہ ماضی میں شاہ رخ خان نے ایک شو کے دوران کہا تھا کہ وہ ہمیشہ سلمان خان پر بھروسہ کر سکتے ہیں کہ وہ مصیبت کے وقت ان کے اور ان کے خاندان کے ساتھ ہوں گے۔